சூரியை ஹீரோவாக வைத்து படம் ஒன்றை இயக்குகிறார் வெற்றிமாறன். எல்ரெட் குமாரின் ஆர்.எஸ்.இன்ஃபோடெயின்மென்ட் நிறுவனம் தயாரிக்கும் இந்தப் படத்தின் படபிடிப்பு தற்போது சத்தியமங்கலம் வனப்பகுதியில் நடந்து வருகிறது. இதற்கு விடுதலை என டைட்டில் வைத்துள்ளது படக்குழு.

எழுத்தாளர் ஜெயமோகனின் ‘துணைவன்’ என்ற சிறுகதையை அடிப்படையாக வைத்து இப்படம் உருவாகி வருகிறது. இந்தப்படத்திற்கு இசைஞானி இளையராஜா இசையமைக்கவுள்ளார். இதன் மூலம் வெற்றிமாறன் – இளையராஜா கூட்டணி முதன்முறையாக இணைகிறது.

இந்தப் படத்தில் ஹீரோயினாக ஜி.வி.பிரகாஷின் தங்கை பவானி ஸ்ரீ நடிக்கிறார். இவர் ஏற்கனவே க/பெ ரணசிங்கம் படத்தில், விஜய் சேதுபதியின் தங்கையாக நடித்திருந்தார். முன்னதாக, விஜய் சேதுபதி இந்த படத்தில் ஒரு முக்கிய வேடத்தில் நடிக்க ஒப்பந்தமானார்.

இந்த படத்தின் ஆடியோ உரிமத்தை சோனி மியூசிக் கைப்பற்றியுள்ளதாக தகவல்கள் தெரியவந்துள்ளன.

தற்போது இறுதிக்கட்டப் படப்பிடிப்பில் கவனம் செலுத்திவருகிறது. இந்த நிலையில், இயக்குநர் கௌதம் மேனன் இப்படத்தில் முக்கிய கதாபாத்திரத்தில் நடித்துவருவதாகக் கூறப்படுகிறது.

இந்நிலையில், ‘விடுதலை’ படத்தின் முக்கிய அப்டேட் வெளியாகி உள்ளது. அதன்படி, இப்படத்தில் நடிகர் தனுஷ் பாடல் ஒன்றை பாடி உள்ளாராம். இதற்காக இசையமைப்பாளர் இளையராஜாவிடம் பிரத்யேக பயிற்சி பெற்று, நடிகர் தனுஷ் இப்பாடலை பாடி உள்ளதாக இயக்குனர் வெற்றிமாறன் சமீபத்திய பேட்டியில் தெரிவித்துள்ளார்.