ஆலயதரிசனம்… பெரியபாளையத்தம்மன் திருக்கோயில்….
- “எது பொய்த்தாலும்பெரியபாளையத்தாள்அருள் பொய்க்காது” என்ற முதுமொழி இங்கு வழக்கத்தில் உள்ளது.
- “பாளையம்” என்றால் “படைவீடு” என்று பொருள்,பெரியபாளையம்என்றால் அம்மனின் பெரிய படைவீடு என்பதாகும்.
- ரேணுகாதேவிபவானி பெரியபாளையத்து அம்மனாகக் கொலு வீற்றிருக்கிறாள்.
- ஆரணியாற்றங்கரையில் அன்னை வீற்றிருந்து கேட்ட வரம் தரும் பவானி அம்மன் புற்றுக்குள் சுயம்புவாக தோன்றினாள்.
- பெரியபாளையத்துஅம்மன் நான்கு திருக்கரங்களுடன் சங்கு, சக்ராயுதம், கத்தி, கபாலக்கிண்ணமும் ஏந்தி அமர்ந்த நிலையில் அருளாட்சி புரிகிறாள்.
- கபாலக்கிண்ணத்தில்மகாலட்சுமி, துர்க்கை, சரஸ்வதி ஆகிய மூவரும் அடங்கி இருப்பதாக தத்துவம் உண்டு.
- உலகவாழ்க்கைக்குத்தேவையான செல்வம், கல்வி, உடல் சக்தி (வீரம்) மூன்றையுமே அன்னை வழங்குகிறாள்.
- ஆந்திரா வளையல் வியாபாரிகள் வளையல் மூட்டையே தலையில் சுமந்தபடி கால்நடையாக வந்துசென்னயில்விற்பார்கள் வருவார்கள்.
- ஆந்திராவுக்குத்திரும்பிகொண்டிருந்த வளையல் வியாபாரி, ஒருவர் பெரியபாளையத்தில் ஒரு வேப்ப மரத்தடியில் அமர்ந்து சற்று நேரம் தூங்கினார்.
- சிறிது நேரம் கழித்து கண் விழித்தார், அருகில் வைத்திருந்த வளையல் மூட்டை காணாததை அறிந்து தேடினார், அவரது கண்ணில் பெரியபாம்புப்புற்று தென்பட்டது.
- சந்தேகத்துடன் அந்த புற்றுக்குள் எட்டிப் பார்த்தார். வளையல் மூட்டைஅங்குக்கிடந்தது. ஒரு கம்பை எடுத்து வந்து வளையல் மூட்டையை எடுக்க முயன்றார், அவரால் முடியவில்லை.
- நீண்டநேரம் போராடியும் அவரால் வளையல் மூட்டையை எடுக்க இயலவில்லை. ஆந்திராவில் உள்ள வீட்டுக்குத்திரும்பிச்சென்றுவிட்டார்.
- அன்று இரவு அவர் கனவில் அம்மன் தோன்றி “நான்ரேணுகாதேவி பெரியபாளையத்தில் பவானி ஆக அவதாரம் எடுத்துள்ளேன்; உன் வளையல் மூட்டை விழுந்துள்ள புற்றில் சுயம்புவாக கோவில் கொண்டுள்ளேன். இதை நினைத்து நீ பயப்படாதே. நீ மீண்டும் உடனே அங்கு வா; தினமும் வணங்கி வழிபட ஒரு கோவில் எழுப்பு” என்று உத்தரவிட்டாள்.
- காலை கடப்பாரை எடுத்து வந்து பாதி புற்று இடிக்கப்பட்ட நிலையில் “ணங்” என்று ஒரு சத்தம் கேட்டது, கடப்பாரையில் ரத்தம் காணப்பட்டது.
- புற்றில் இருந்துரத்தம் வழிந்தது. அந்த பகுதி முழுவதும் ரத்தம் கசிந்தது. பூமியே ரத்தத்தால் நனைந்து போனது.
- புற்றுக்குள் இருந்த சுயம்பின் மேல்பகுதியில் இருந்துதான் ரத்தம் “குபு குபு” என்று வந்து கொண்டிருந்தது. உடனே வளையல் வியாபாரி தன்னிடம் இருந்த மஞ்சளை எடுத்து ரத்தம் பீறிட்டு வந்த இடத்தில் வைத்து அழுத்த ரத்தம் நின்று போனது.
- அந்த இடத்தில்சுயம்புவைமூலமாகக் கொண்டு அம்பிகைக்குக் கோவில் கட்டப்பட்டது. கருவறையில் சுயம்பு அம்மன் மீது வெள்ளி கவசமிடப்பட்டு வணங்கப்பட்டு வருகிறது.
- தற்போதும் அந்த கவசத்தைஅகற்றிவிட்டுப்பார்த்தால் சுயம்பு அம்மன் உச்சியில் கடப்பாரை பட்ட காயத்தின் வடுவை இப்போதும் காணலாம்.
- முதலில் விநாயகரை வணங்கி அடுத்து பின்புறம் உள்ள மாதங்கி அம்மனை வழிபட வேண்டும். பின்னர்பெரியபாளையத்துஅம்மனை வணங்கி வழிபட வேண்டும்.
- சுற்றுப் பிரகாரத்தில் உற்சவர், வள்ளி-தெய்வானைசமேதமுருகர், பெருமாள், தாயார், ஆஞ்சநேயர், பரசுராமர் சன்னதி உள்ளன.
- ஆண்டுதோறும் ஆடி மாதம் முதல் தொடங்கி கடைசி நாள் வரையில் திருக்கோயில் விழாக் கோலம் கொண்டுள்ளது. அம்மனுக்கு விசேஷ அலங்காரத்துடன்நவகலசபூஜை செய்யப்படுகிறது.
- வெள்ளிக்கிழமை கோ பூஜையும், பால், தயிர், பன்னீர் உள்ளிட்டவாசனைத்திரவியங்கள் மூலம் அம்மனுக்குச் சிறப்பு அபிஷேகமும், கணபதி ஹோமமும் சிறப்பாகச் செய்யப்படுகிறது.
- ஆரணி,பெரியபாளையம்,ஊத்துக்கோட்டை பகுதியில் வேகமாகப் பரவிய வைசூரி, காலரா போன்ற நோய்களிலிருந்து மக்களைக் காத்தருளினாள் அன்னை.
- அம்மை நோய் உள்ளவர்கள் இங்கு வழங்கும் தீர்த்தம் அருந்தி வந்தால், விரைவில் குணமாகும்.
- அம்மனுக்குப்பிரியமான வேப்பிலைகளைக் கொண்டு தயாரிக்கப்பட்ட வேப்பிலை சரத்தை உடம்பில் கட்டிக்கொண்டு ஆலயத்தைச் சுற்றி வந்து தங்கள் பிரார்த்தனையை நிறைவேற்றுகிறார்கள்.
- அருகில்சிறுவாபுரி, ஆண்டார் குப்பம், சுருட்டப்பள்ளி, ஸ்தலங்கள் உள்ளன.
- காஞ்சிமகாப்பெரியவர் இந்த ஆலயத்திற்கு வந்து தரிசித்துள்ளார். மகாப் பெரியவர் தரிசித்து பிறகு இக்கோயில் உலக அளவில் பிரசித்தி பெற்றது.
- பொங்கல்வைப்பது, மொட்டை அடிப்பது, காது குத்துவது, மடி பிட்சை எடுத்து பொங்கல் வைப்பது என்று பக்தர்கள் வேண்டிக் கொள்கின்றனர்.
- பெரியபாளையம்பவானி அம்மன் பலருக்குக் குலதெய்வமாக இருந்து காத்து வருகிறாள்.
- சென்னையில் இருந்துசுமார் 45 கி.மீ. தொலைவில் பெரியபாளையம் உள்ளது. திருவள்ளூர், பொன்னேரி வழியாக பெரியபாளையம் வந்தடையலாம்..
நன்றி: நெட்டிசன் அசோக் குமார் முகநூல் பதிவு