டெல்லி: தேர்தல் தேதிகள் அறிவிக்கப்பட்டுள்ள 5 மாநிலங்களில் மத்திய அரசின் திட்டங்களை பிரசாரம் செய்யும் ‘சங்கல்ப் யாத்திரை’;ககு இந்திய தேர்தல் ஆணையம் தடை விதித்துள்ளது. காங்கிரஸ் கட்சியினரின் புகாரைத் தொடர்ந்து தேர்தல் ஆணையம் நடவடிக்கை எடுத்துள்ளது.
மத்திய அரசின் நலத்திட்டங்கள் விரைந்து பயனாளிகளுக்கு சென்று சேரும் வகையில், ‘விக்சித் பாரத் சங்கல்ப் யாத்ரா‘ என்ற பெயரில் விசேஷமாக வடிவமைக்கப்பட்ட ரதம், நாடு முழுதும் சென்று பயனாளிகளை பதிவு செய்யும் என மத்திய அரசு சமீபத்தில் அறிவித்தது. இதற்காக, அனைத்து மாவட்டங்களுக்கும் சிறப்பு அதிகாரிகளை நியமித்து மத்திய அரசு உத்தரவிட்டது. இந்த யாத்திரை நவம்பர் 15-ல் தொடங்க உள்ளது.
இந்த நிலையில், ராஜஸ்தான், மத்திய பிரதேசம், சத்தீஸ்கர், தெலுங்கானா, மிசோரம் ஆகிய மாநிலங்களில் சட்டமன்ற தேர்தல் தேதிகள் அறிவிக்கப்பட்டு உள்ளதால், மத்தியஅரசின் இந்த அறிவிப்பு தேர்தல் நடத்தை விதிமீறல் என தேர்தல் கமிஷனிடம் எதிர்க்கட்சியினர் புகார் தெரிவித்தனர். இதையடுத்து, இந்த திட்டத்தை, சட்டசபைத் தேர்தல் நடைபெற உள்ள ராஜஸ்தான், மத்திய பிரதேசம், சத்தீஸ்கர், தெலுங்கானா, மிசோரம் ஆகிய மாநிலங்களில் வரும் டிச., 5ம் தேதி வரை நடைமுறைப்படுத்தக்கூடாது என மத்திய அரசுக்கு, தேர்தல் கமிஷன் உத்தரவிட்டுள்ளது.
முன்னதாக, தேர்தல் கமிஷனிடம் காங்கிரஸ் கட்சி அளித்த புகாரில், எதிர்வரும் 5 மாநில சட்டப்பேரவைத் தேர்தலில் மத்திய உள்துறை அமைச்சர் அமித் ஷா மற்றும் அசாம் முதல்வர் ஹிமந்தா பிஸ்வா சர்மா ஆகியோர் பிரச்சாரம் செய்ய தடை விதிக்க வேண்டும் என்றும்,. பா.ஜ.க-வின் சாதனைகளைக் கூறி வாக்குசேகரிக்க வருடாந்திர விடுப்பில் உள்ள ராணுவ வீரர்களை ஈடுபடுத்துவதை தடுக்கவும், ‘மாவட்ட ரத் பிரபாரிகள்’ எனும் யாத்திரைக்கு அரசு அதிகாரிகளை பயன்படுத்த முயற்சிக்கும் நரேந்திர மோடி அரசாங்கத்தின் மீது நடவடிக்கை எடுக்க வேண்டும் என்றும் தெரிவித்துள்ளது.
“முதலாவதாக, இது தெளிவாக அரசாங்கத்தின் முன்முயற்சியாக மறைக்கப்பட்ட ஒரு அரசியல் பிரச்சாரம். பா.ஜ.க தலைமையிலான அரசாங்கம் ஆட்சிக்கு வந்ததில் இருந்து அறிமுகப்படுத்தப்பட்ட அரசாங்கத் திட்டங்களை மட்டும் விளம்பரப்படுத்துவதற்கு அரசு ஊழியர்கள் மற்றும் இந்திய ராணுவ வீரர்களுக்கு நம்பத்தகுந்த விளக்கம் எதுவும் இல்லை” என்று காங்கிரஸ் கட்சி தேர்தல் ஆணையத்திடம் தெரிவித்துள்ளது.
மேலும், இந்த நடவடிக்கைகள் எம்.சி.சி-யை மீறுவதாகவும், ஆளும் கட்சியின் சேவையில் அரசு இயந்திரத்தை மொத்தமாக தவறாக பயன்படுத்துவதாகவும் காங்கிரஸ் குற்றம் சாட்டியுள்ளது.
முதல்வர் கே சந்திரசேகர் ராவ் தலைமையிலான பி.ஆர்.எஸ் தெலுங்கானா அரசு, ரைது பந்து திட்டத்தின் பயனாளிகளுக்கு இந்த ஆண்டின் இரண்டாம் பயிர்க்கான தொகையை இன்னும் வழங்கவில்லை என்றும், தேர்தல் குழுவை வழிநடத்துமாறும் காங்கிரஸ் தேர்தல் ஆணையத்திடம் கோரிக்கை வைத்துள்ளது.
வேட்புமனு தாக்கல் செய்வதற்கு முன்பு அல்லது வாக்குப்பதிவுக்குப் பிறகு பல்வேறு திட்டங்களின் கீழ் பலன்கள் வழங்கப்படுவதை அரசாங்கம் உறுதி செய்ய வேண்டும் என்றும் வலியுறுத்தியுள்ளது. “உத்தேசிக்கப்பட்ட பயனாளிகளுக்கு பணத்தை மாற்றுவதை நாங்கள் எந்த வகையிலும் எதிர்க்கவில்லை என்றாலும், மாதிரி நடத்தை விதிகள், நியாயமான தேர்தல்களின் நெறிமுறைகளை நிலைநிறுத்துவதற்காகவும், ஜனநாயக விழுமியங்களைப் பாதுகாப்பதற்காகவும், தொகை வழங்கப்பட வேண்டும் என்று நாங்கள் நம்புகிறோம். நவம்பர் 3 ஆம் தேதி தேர்தலுக்கு வேட்புமனு தாக்கல் செய்யும் தேதிக்கு முன் அல்லது நவம்பர் 30 ஆம் தேதி வாக்குப்பதிவுக்குப் பிறகு இரண்டாவது பயிர் செய்ய வேண்டும்” என்றும் கூறப்பட்டுள்ளது.
தெலுங்கானாவில் காவல்துறை அதிகாரிகளை “சட்டவிரோதமாக” இடமாற்றம் செய்ததையும், தேர்தல் ஆணையத்தின் கவனத்திற்கு காங்கிரஸ் கொண்டுவந்ததுள்ளது. தேர்தல் ஆணையம் அவர்களின் பதவிக்காலத்தின் இரண்டரை ஆண்டுகளை நிறைவு செய்யாமல், “குறிப்பிட்ட அரசியலை பகிரங்கமாக ஆதரிக்கும் குறிப்பிட்ட அதிகாரிகளுக்கு தேர்தல் பணியை ஒதுக்கி இருந்தது.
மத்தியப் பிரதேசத்தின் சாகர் மாவட்டத்தில் உள்ள சுர்கி தொகுதியில் போட்டியிடும் பா.ஜ.க வேட்பாளர் கோவிந்த் சிங் ராஜ்புத், அதிகபட்ச வாக்குகள் பெறும் பூத்களில் உள்ள ஏஜெண்டுகளுக்கு ரூ. 25 லட்சம் கொடுப்பதாகக் கூறியதற்காக அவரைத் தகுதி நீக்கம் செய்ய வேண்டும் என்றும், அவரது கருத்துக்கள் “லஞ்சம் கொடுப்பது”. எனவே இது ஒரு “ஊழல் நடைமுறை”, இது எம்.சி.சி-யை மீறுவதாகும் என்று காங்கிரஸ் அதன் புகாரில் தெரிவித்துள்ளது.