சென்னை: இன்று நாடாளுமன்றத்தில் 2025-26ம் நிதிஆண்டுக்கான பொதுபட்ஜெட் தாக்கல் செய்யப்பட உள்ள நிலையில், இன்று வணிக பயன்பாட்டுக்கான சிலிண்டர் விலை சிறிதளவு குறைந்துள்ளது.
சென்னையில் வணிக பயன்பாட்டுக்கான 19 கிலோ எடையுள்ள கேஸ் சிலிண்டர் விலை ரூ.6.50 குறைக்கப்பட்டுள்ளது. தலைநகர் டெல்லியில் எல்பிஜி விலை ரூ.7 குறைக்கப்பட்டது டெல்லியில், 19 கிலோ வணிக எல்பிஜி சிலிண்டரின் சில்லறை விலை இன்று முதல் ரூ.1797 ஆக உள்ளது.
சென்னையில் வணிக பயன்பாட்டிற்கான சிலிண்டர் விலை விலை ரூ.6.50 குறைந்து ரூ.1959.50 க்கு விற்பனை செய்யப்படுகிறது.
சர்வதேச சந்தையில் கச்சா எண்ணெயின் விலை மற்றும் அமெரிக்க டாலருக்கு நிகராக இந்திய ரூபாயின் மதிப்பு ஆகிய சர்வதேச சந்தை நிலவரத்துக்கு ஏற்ப எண்ணெய் நிறுவனங்கள் பெட்ரோல், டீசல் மற்றும் சமையல் எரிவாயு சிலிண்டர் விலை மாற்றம் செய்யப்பட்டு வருகிறது,.
அதன்படி, பிப்ரவரி 1ந்தேதியை முன்னிட்டு, இன்று வணிக பயன்பாட்டுக்கான சிலிண்டர் விலையில் மட்டும் மாற்றம் செய்யப்பட்டு உள்ளது. வீட்டு உபயோக சிலிண்டர் விலையில் எந்தவொரு மாற்றமும் இல்லை.
அந்த வகையில், இன்று சமையல் எரிவாயு சிலிண்டர் விலையை குறைத்து எண்ணெய் நிறுவனங்கள் அறிவிப்பை வெளியிட்டுள்ளன. வணிக பயன்பாட்டிற்கான சிலிண்டர் விலையில் ரூபாய் 6.50 குறைந்துள்ளது. இதன்படி வணிக பயன்பாட்டிற்கான 19 கிலோ எடை கொண்ட சிலிண்டர் விலை ரூபாய் 1,959.50-க்கு விற்பனை செய்யப்படுகிறது.
வீட்டுக்கு பயன்படுத்தப்படும் 14 கிலோ எடை கொண்ட சிலிண்டர் விலையில் எந்த மாற்றமும் இன்றி ரூபாய் 818.50க்கு விற்பனை செய்யப்படுகிறது.
முன்னதாக கடந்த நவம்பர் மாதம் வணிக பயன்பாட்டுக்கான 19 கிலோ எடை கொண்ட வணிக எரிவாயு சிலிண்டர் விலை ரூ.61.50 உயர்ந்து ரூ.1,964.50-க்கு விற்பனை செய்யப்பட்டது. தற்போது வணிக பயன்பாட்டிற்கான கேஸ் சிலிண்டர் விலை ரூ. 1,959.50-க்கு விற்பனை செய்யப்படுகிறது.