டெல்லி: தேர்தல் பத்திரங்கள் மூலமாக, அரசியல் கட்சிகளுக்கு நிதி வழங்குபவர்கள் யார் என்பதை அறிய, மக்களுக்கு உரிமை இல்லை என உச்சநீதிமன்றத்தில் மத்தியஅரசு உச்சநீதிமன்றத்தில் தெரிவித்து உள்ளது.
தேர்தல் பத்திரங்கள் தொடர்பான வழக்கில் உச்ச நீதிமன்றத்தில் மத்திய சொலிசிட்டர் ஜெனரல் வெங்கட்ரமமிணி தாக்கல் செய்த அறிக்கையில், அரசியல் கட்சிக்கு நிதியுதவி செய்வது தொடர்பாக அரசியல் சாசனத்தின் 19(1)(ஏ) பிரிவின் கீழ் தகவல் அறியும் உரிமை குடிமக்களுக்கு இல்லை என்று சமர்பித்துள்ளார்.
தேர்தல் பத்திரம் தொடர்பான வழக்கை அரசியல் சாசன பெஞ்சுக்கு மாற்ற உச்சநீதிமன்றம் முடிவு செய்துள்ளது. மேலும் இந்த வழக்கு நாளை (31ந்தேதி) விசாரணைக்கு வர உள்ளது. இந்த நிலையில், மத்திய அரசு தாக்கல் செய்துள்ள பிரமாண பத்திரத்தில், தேர்தல் பத்திரங்கள் மூலமாக, அரசியல் கட்சிகளுக்கு நிதி வழங்குபவர்கள் யார் என்பதை அறிய, மக்களுக்கு உரிமை இல்லை என தெரிவித்து உள்ளது.
இந்தியாவிலேயே தேர்தல் பத்திரம் மூலம் அதிகஅளவு நிதி பெற்ற கட்சியாக பாஜக உள்ளது. இரண்டாவதாக மம்மாவின் திரிணாமுல் காங்கிரஸ் கட்சியும், 3வது இடத்தில், தமிழ்நாட்டை ஆட்சி செய்யும் திமுகவும் திகழ்கிறது என்பது குறிப்பிடத்தக்கது.
தேர்தல் பத்திரம் என்பது உறுதிமொழி நோட்டு அல்லது தாங்கி பத்திரத்தின் தன்மையில் உள்ள ஒரு கருவியாகும், பல பிரிவுகளில் உள்ள பத்திரங்கள், அரசியல் கட்சிகளுக்கு அதன் தற்போதைய திட்டத்தில் நிதி அளிக்கும் நோக்கத்திற்காக குறிப்பாக வெளியிடப்படுகின்றன.
தேர்தல் பத்திரங்கள் நிதிச் சட்டம், 2017 மூலம் அறிமுகப்படுத்தப்பட்டன, இது ரிசர்வ் வங்கிச் சட்டம், வருமான வரிச் சட்டம் மற்றும் மக்கள் பிரதிநிதித்துவச் சட்டம் ஆகிய மூன்று சட்டங்களைத் திருத்தியது.
2017 நிதிச் சட்டம், தேர்தல் நிதியளிப்பு நோக்கத்திற்காக எந்தவொரு அட்டவணைப்படுத்தப்பட்ட வங்கியாலும் தேர்தல் பத்திரங்களை வெளியிடும் முறையை அறிமுகப்படுத்தியது. நிதிச் சட்டம் ஒரு பண மசோதாவாக நிறைவேற்றப்பட்டது, அதாவது அதற்கு ராஜ்யசபாவின் ஒப்புதல் தேவையில்லை.
பத்திரங்களை ரூ.1,000, ரூ.10,000, ரூ.1 லட்சம், ரூ.10 லட்சம் அல்லது ரூ.1 கோடி என எந்த மதிப்புக்கும் வாங்கலாம். நன்கொடை அளிப்பவரின் பெயர் பத்திரத்தில் இருக்காது. பத்திரம் வெளியிடப்பட்ட நாளிலிருந்து 15 நாட்களுக்கு செல்லுபடியாகும், அதற்குள் பணம் பெறுபவர்-அரசியல் கட்சியால் பணமாக்கப்பட வேண்டும்.
அரசியல் கட்சிகளுக்கு வரம்பற்ற, தடையில்லா நிதியுதவிக்கான கதவுகளைத் திறந்துவிட்டதன் அடிப்படையில், நிதிச் சட்டம், 2017 மூலம் வெவ்வேறு சட்டங்களில் குறைந்தபட்சம் ஐந்து திருத்தங்களைச் செய்ததை எதிர்த்து உச்ச நீதிமன்றத்தில் பல்வேறு மனுக்கள் நிலுவையில் உள்ளன.
நிதிச் சட்டத்தை பண மசோதாவாக நிறைவேற்றியிருக்க முடியாது என்றும் மனுக்கள் எழுப்பியுள்ளன. இந்த வழக்கு கடந்த அக்டோபர் 10 ஆம் தேதி விசாரணைக்கு வந்தபோது, ஆனால், பண மசோதாவாக சட்டங்களை இயற்றுவது தொடர்பான சட்டச் சிக்கலைக் கருத்தில் கொண்டு அதை அரசியல் சாசன அமர்வுக்கு அனுப்ப முடிவு செய்தது.
இந்த ஆண்டு அக்டோபர் 31 ஆம் தேதி இறுதி விசாரணைக்கு பட்டியலிடப்படும் என்று நீதிமன்றம் கூறியது . அந்த விசாரணையின்போதும், இந்த வழக்கை அரசியலமைப்பு பெஞ்சிற்கு அனுப்பலாமா என்று நீதிமன்றம் விவாதித்தது, ஆனால் வழக்கின் அவசரத்தைக் கருத்தில் கொண்டு அதற்கு எதிராக முடிவு செய்ததாகத் தெரிகிறது.
இந்த வழக்கை குறைந்தபட்சம் 5 நீதிபதிகள் கொண்ட அரசியல் சாசன அமர்வுக்கு அனுப்பும் முடிவை இந்திய தலைமை நீதிபதி டி.ஒய்.சந்திரசூட் கடந்த விசாரணையின்போது தெரிவித்தார். இந்த வழக்கை குறைந்தபட்சம் ஐந்து நீதிபதிகள் கொண்ட அரசியல் சாசன அமர்வுக்கு அனுப்ப உள்ளதாகவும், பிரச்சினையின் முக்கியத்துவத்தைக் கருத்தில் கொண்டு, இந்திய அரசியலமைப்புச் சட்டத்தின் 145(4) பிரிவின்படி, இந்த விவகாரம் குறைந்தபட்சம் ஐந்து நீதிபதிகள் கொண்ட பெஞ்ச் முன் வைக்கப்படும் என்றவர், இந்த வழக்கு அக்டோபர் 31, 2023 அன்று மீண்டும் விசாரிக்கப்படும் என்று கூறியிருந்தார்.
இந்த நிலையில், மத்தியஅரசு தேர்தல் பத்திரங்கள் திட்டம் வெளிப்படையானது என்றும், தேர்தல் பத்திரங்கள் மூலமாக, அரசியல் கட்சிகளுக்கு நிதி வழங்குபவர்கள் யார் என்பதை அறிய, மக்களுக்கு உரிமை இல்லை என்றும் தனது பதில் பிரமாணப் பத்திரத்தில் கூறியுள்ளது .
இந்தத் திட்டத்தைத் தடை செய்யக் கோரிய மனுவை உச்ச நீதிமன்றம் மார்ச் 2021 இல் தள்ளுபடி செய்த நிலையில், தற்போது மீண்டும் விசாரித்து வருகிறது. இந்த வழக்கு அரசியல் சாசன பெஞ்சுக்கு அனுப்ப உச்சநீதி மன்றம் முடிவு செய்துள்ளது.