அரசியலுக்கு வருவதாக கடந்த 3 ஆண்டுகளாக கூறிவரும் நடிகர் ரஜினிகாந்த், இதுவரை அரசியலுக்கு வராத நிலையில், அவ்வப்போது சர்ச்சைக்குரிய வகையில் கருத்துக்களை கூறி பரபரப்பை ஏற்படுத்தி வருகிறார்.
அவரது வீடு சென்னை மைலாப்பூரில் உள்ள போயஸ் தோட்டத்தில் உள்ளது. இன்று காலை சுமார் 10.30 மணி அளவில் காவல்துறையின் கட்டுப்பாட்டு அறைக்கு போன் செய்த மர்ம நபர், நடிகர் ரஜினிகாந்த் வீட்டில் வெடிகுண்டு வைத்திருப்பதாக கூறிவிட்டு தொடர்பை துண்டித்துவிட்டதாக கூறப்படுகிறது.
இதனையடுத்து, போயஸ் கார்டனில் உள்ள நடிகர் ரஜினிகாந்தின் இல்லத்திற்கு 4 வெடிகுண்டு நிபுணர்கள், 2 மோப்ப நாய் படைகளுடன் காவல்துறையினர் சென்று தீவிர சோதனை மேற் கொண்டனர். இந்த சோதனை சுமார் 1 மணி நேரம் சோதனை நடைபெற்றது.
சோதனையின்போது வெடிபொருட்கள் எதுவும் சிக்காததால், காவல்துறைக்கு கிடைத்த தகவல் பொய்யானது என்று போலீசார் உறுதி செய்தனர். இதையடுத்து போர் செய்த மர்ம நபர் குறித்து போலீசார் விசாரணை நடத்தி வருகின்றனர்.