ஒகேனக்கல்
காவிரியில் நீர் திறக்கப்பட்டதால் ஒகேனக்கல்லில் இன்று 9 ஆம் நாளாக பரிசல் இயக்க தடை விதிக்கப்பட்டுள்ளது.
தொடர்ந்து கர்நாடக மாநில காவிரி நீர்ப்பிடிப்பு பகுதியில் மழை பெய்து வருகிறது. எனவே அங்குள்ள கே.ஆர்.எஸ், கபினி அணைகளில் இருந்து தமிழக காவிரி ஆற்றில் தண்ணீர் திறந்துவிடப்படுகிறது.
இதையொட்டி ஒகேனக்கல் மெயின் அருவி, ஐந்தருவி, சினி பால்ஸ் உள்ளிட்ட அருவிகளில் தண்ணீர் ஆர்ப்பரித்து கொட்டியது. நீர் திறப்பு காரணமாகக் காவிரி ஆற்றில் தண்ணீர் பெருக்கெடுத்து ஓடியது.
ஒகேனக்கல்லுக்கு நீர்வரத்து அதிகரித்துள்ளதால் சுற்றுலாப் பயணிகளின் பாதுகாப்பு கருதி காவிரி ஆற்றில் பரிசல் இயக்க இன்று 9-வது நாளாக மாவட்ட நிர்வாகம் தடை விதித்து உள்ளது. சுற்றுலாப் பயணிகள் இதனால் ஏமாற்றம் அடைந்துள்ளனர்.