‘அண்ணாத்த’ படத்தின் விநியோக உரிமையை கைப்பற்றிய ரெட் ஜெயண்ட் மூவிஸ்…..!

Must read

சன் பிக்சர்ஸ் தயாரிப்பில் , சிவா இயக்கத்தில் உருவாகியுள்ள ‘அண்ணாத்த’ படத்தில் ரஜினி, குஷ்பு, மீனா, கீர்த்தி சுரேஷ், சூரி, சதீஷ், பிரகாஷ்ராஜ் உள்ளிட்ட பலர் நடித்துள்ளனர்.

இயக்குனர் சிவாவின் கல்லூரிகால நண்பரும் வீரம், வேதாளம், விவேகம், விஸ்வாசம் படங்களின் ஒளிப்பதிவாளர் வெற்றி ஒளிப்பதிவு செய்கிறார். “விஸ்வாசம்” படத்திற்காக தேசியவிருது வென்ற இசையமைப்பாளர் டி. இமான் இசையமைக்கிறார்.

தீரன் அதிகாரம் ஒன்று, தலைவா படங்களில் வில்லனாக நடித்த நடிகர் அபிமன்யூ சிங், அண்ணாத்த படத்தில் ஒரு முக்கிய வேடத்தில் நடிக்கிறார். தீபாவளியை முன்னிட்டு வரும் நவம்பர் 4 ஆம் தேதி படம் வெளியாகிறது.

படத்தின் தணிக்கைப் பணிகள் நிறைவடைந்துள்ளன. இதனைப் பார்த்துவிட்டு ‘யு/ஏ’ சான்றிதழ் வழங்கியுள்ளனர் தணிக்கை அதிகாரிகள். இதனால், படத்தின் வெளியீடு தொடர்பான அனைத்துப் பணிகளும் முடிவுக்கு வந்துள்ளன. விரைவில் ட்ரெய்லர் மற்றும் இதர பாடல்கள் ஆகியவற்றை வெளியிடவுள்ளது படக்குழு.

படத்தின் டீசர், நான்கு பாடல்கள் வெளியாகி ரசிகர்களிடம் பெரும் வரவேற்பைப் பெற்றுள்ள நிலையில், படத்தின் ட்ரைலர் நேற்று வெளியிடப்பட்டு ரசிகர்களிடம் நல்ல வரவேற்பை பெற்று வருகிறது. தற்போது இந்த படத்தின் தமிழ்நாடு விநியோக உரிமையை பிரபல தயாரிப்பு மற்றும் விநியோக நிறுவனமான ரெட் ஜெயண்ட் மூவிஸ் கைப்பற்றியுள்ளனர் என்ற தகவலை வெளியிட்டுள்ளனர்.

More articles

Latest article