கொரோனா வைரஸ் பாதிப்பால் தமிழ் சினிமா மற்றும் சின்னத்திரை பணிகள் முழுவதுமாகப் பாதிக்கப்பட்டன.
பல சீரியல்கள் தங்களது ஒளிபரப்பையே ரத்து செய்துள்ளன. குறிப்பாக,சன் தொலைக்காட்சியில் ஒளிபரப்பாகி வந்த ‘அழகு’, ‘கல்யாணப் பரிசு’, ‘தமிழ்ச்செல்வி’, ‘சாக்லேட்’ ஆகிய 4 சீரியல்களையும் நிறுத்தி வைக்கப்பட்டுள்ளது.
சன் டிவியில் ஒளிபரப்பாகும் சித்தி இரண்டாம் பாகம் தொடர் நல்ல வரவேற்பை பெற்று வந்தது. தற்போது நடிகர்களின் உடல்நலனை கருத்தில் கொண்டு நடிகர் நடிகைகள் மாற்றப்போவதாக ராதிகா சரத்குமார் பதிவிட்டுள்ளார்.
உங்கள் அபிமான மெகாத் தொடர்கள், புதிய திருப்பங்களோடு,
உங்கள் உள்ளத்திலும் இல்லத்திலும் புத்தம் புதிய எபிசோடுகளுடன் வருகிறது..ஜூலை 27 முதல், உங்கள் சன் டிவியில்.. #SunTV #SunTVSerials #Relaunch pic.twitter.com/qbrIy7nbui
— Sun TV (@SunTV) July 17, 2020
இந்நிலையில் தங்களுடைய ட்விட்டர் பக்கத்தில் “உங்கள் அபிமான மெகா தொடர்கள், புதிய திருப்பங்களோடு, உங்கள் உள்ளத்திலும் இல்லத்திலும் புத்தம் புதிய எபிசோடுகளுடன் வருகிறது. ஜூலை 27 முதல், உங்கள் சன் டிவியில்” என்று சன் டிவி தெரிவித்துள்ளது.
இந்த ட்வீட்டில் வெளியிட்டுள்ள வீடியோ பதிவில் ‘மகராசி’, ‘பாண்டவர் இல்லம்’, ‘சந்திரலேகா’, ‘ரோஜா’, ‘கல்யாண வீடு’, ‘நாயகி’, ‘கண்மணி’ ஆகிய சீரியல்களின் பெயர்கள் இடம்பெற்றுள்ளன.