சென்னை:
தனியார் கல்லூரிகள், பள்ளிகள் கல்விக் கட்டணத்தை 3 தவணைகளாக வசூலிக்கலாம் என தமிழக அரசு சென்னை உயர்நீதி மன்றத்தில் தகவல் தெரிவித்துள்ளது.
கொரோனா ஊரடங்கு காரணமாக கல்வி நிறுவனங்கள் மூடப்பட்டுள்ள நிலையில் பல்வேறு கல்லூரிகள் அடுத்த கல்வி ஆண்டுக்கான கல்விக்கட்டணத்தை செலுத்தும்படி மாணவர்களை வலியுறுத்தி வருகின்றனர்.
இது தொடர்பாக புகார்களை தொடர்ந்து, மாணவர்களை கல்வி கட்டணம் செலுத்தச் சொல்லி பள்ளிகள் நிர்பந்திக்கக் கூடாது என அரசு உத்தரவிட்டது.
கொரோனா ஊரடங்கு காரணமாக கல்வி நிறுவனங்கள் மூடப்பட்டுள்ள நிலையில் பல்வேறு கல்லூரிகள் அடுத்த கல்வி ஆண்டுக்கான கல்விக்கட்டணத்தை செலுத்தும்படி மாணவர்களை வலியுறுத்தி வருகின்றனர்.
இது தொடர்பாக புகார்களை தொடர்ந்து, மாணவர்களை கல்வி கட்டணம் செலுத்தச் சொல்லி பள்ளிகள் நிர்பந்திக்கக் கூடாது என அரசு உத்தரவிட்டது.
இந்த உத்தரவை அடுத்து தமிழ்நாடு தனியார் பள்ளிகள் கூட்டமைப்பு மற்றும் அகில இந்திய தனியார் கல்வி நிறுவனங்கள் கூட்டமைப்பு சார்பில் சென்னை உயர்நீதிமன்றத்தில் வழக்கு தொடரப்பட்டது.
இந்த நிலையில், வழக்கு இன்று மீண்டும் விசாரணைக்கு வந்தது. அப்போது, தமிழக உயர் கல்வித்துறை சார்பில் பதில் மனு தாக்கல் செய்யப்பட்டது. அதில், தனியார் கல்லூரிகள் கல்விக் கட்டணத்தை 3 தவணைகளாக வசூலிக்க தமிழக அரசு அ னுமதி அளிக்க முடிவு செய்திருப்பதாக தெரிவிக்கப்பட்டுள்ளது.
அதன்படி, 2020 ஆகஸ்ட், டிசம்பர் மற்றும் 2021 ஏப்ரல் ஆகிய மாதங்களில் கல்விக்கட்டணம் வசூலிக்கலாம் என்றும், அதே நேரத்தில் தமிழகத்தில் கலை, அறிவியல், பொறியியல் கல்லூரிகள் திறப்பு பற்றி இதுவரை முடிவு எடுக்கவில்லை என்றும் தெரிவிக்கப்பட்டு உள்ளது.