தளபதி விஜய் 46வது பிறந்தாளை அவரது ரசிகர்கள் இன்று ஆங்காங்கே உதவிகள் வழங்கி கொண்டாடி வருகின்றனர்.
கனடாவில் உள்ள விஜய் ரசிகர் மன்றத்தினர் அங்குள்ள ஏழை எளியவர்களுக்கு உணவு பொருட்கள் வழங்கி கொண்டாடினர். இந்த தகவலை இசை அமைப்பாளர் பரத்வாஜ் வீடியோ மூலம் தெரிவித்திருக்கிறார்.
சுமார் 500 கிலோவுக்கும் அதிகமான உணவு பொருட்கள் வழங்கப்பட்டன. இந்த ரசிகர் மன்றத்தில் பரத்வாஜ் மகள் மற்றும் மருமகன் இணைந்து நற்பணிகள் செய்து வருகின்றனர்.
விஜய் பிறந்தநாள் கொண்டாட்டமாக உதவி பொருட்கள் வழங்கியதை பெற்றவர்கள் விஜய்க்கும், மன்றத்தினருக்கும் நன்றி கூறினர்.
கனடாவில் விஜய் மன்றத்தினர் செய்த நற்பணிகள் பற்றி இசையமைப்பாளர் பரத்வாஜ் நடிகர் விஜய்யை தொடர்பு கொண்டு தெரிவித்ததுடன் அவருக்கு பிறந்தநாள் வாழ்த்தும் கூறினார்.