தொகுப்பாளினி பாவனா தொலைக்காட்சி நிகழ்ச்சிகளுக்கு இடையே தொடர்ந்து ‘மாஷ்அப்’ வீடியோக்களை உருவாக்கி சமூக வலைதளத்தில் பதிவிட்டு வருகிறார்.
தற்போதைய கொரோனா ஊரடங்கு தனிமைப்படுத்தல் நேரத்தில் புதிய ‘மாஷ்அப்’ ஆல்பம் ஒன்றை பாடி வெளியிட்டிருக்கிறார்.
இது தொடர்பாக அவர் கூறியதாவது :
https://www.youtube.com/watch?v=lRdaWzoa4Wo&feature=youtu.be
கருப்பு, வெள்ளை உடை அணிந்து தமிழ், இந்திப் பாடல்களைக் களமாக வைத்து உருவாக்கியுள்ளேன். இதை வீட்டிலிருந்தே தயார் செய்தேன்.
தமிழ், இந்திப் பாடல்களின் பின்னணியில் உருவாக்கப்பட்ட இந்தப் பாடலின் பின்னணி இசையை ஒரு ஆங்கிலப் பாடலை வைத்து உருவாக்கினேன். மற்ற ஆல்பம் போல இதுவும் என் குரலிலேயே உருவானது. எங்கள் குடியிருப்புப் பகுதியில் உள்ள வளாகத்திலேயே ஷூட் செய்து வீட்டிலேயே ரெக்கார்டிங், மிக்ஸிங் என அனைத்து வேலைகளையும் செய்து வெளியிட்டுள்ள மாஷ்அப் வீடியோ இது என தெரிவித்துள்ளார் .