சென்னை
சென்னையில் பெட்ரோல் மற்றும் டீசல் விலை இன்றும் அதிகரித்துள்ளது.
கச்சா எண்ணெய் விலைக்கேற்ப தினசரி பெட்ரோல் மற்றும் டீசல் விலைகளை மாற்றி அமைக்க எண்ணெய் நிறுவனங்களுக்கு மத்திய அரசு அனுமதி வழங்கியது. அதன் பிறகு பெட்ரோல் மற்றும் டீசல் விலையில் தினமும் மாறுதல் ஏற்பட்டு வருகிறது.
கடந்த சில மாதங்களுக்கு முன்பு வரலாற்று உச்சங்களை தொட்ட பெட்ரோல் மற்றும் டீசல் விலை சற்றே குறையத் தொடங்கியது.
இந்நிலையில் சில நாட்களாக மீண்டும் பெட்ரோல் மற்றும் டீசல் விலை உயரத் தொடங்கி வருகிறது. இடையில் ஒரு சில தினங்களில் விலைகள் லேசாக குறைந்த போதிலும் மீண்டும் உடனடியாக விலைகள் அதிகரிக்கத் தொடங்கி விடுகின்றன.
சென்னையில் இன்று பெட்ரோல் விலை நேற்றைய விலையை விட லிட்டருக்கு 13 காசுகளும் டிசல் விலை லிட்டருக்கு 15 காசுகளும் உயர்ந்துள்ளன.
இன்று சென்னையில் ஒரு லிட்டர் பெட்ரோல் ரூ.74.84 என்னும் விலைக்கும் ஒரு லிட்டர் டீசல் ரூ.71.24 என்னும் விலைக்கும் விற்கப்ப்படுகின்றன.