சென்னை:
சென்னையில் சத்யம் சினிமாஸ் நிறுவனத்துக்கு சொந்தமான வீடு, அலுவலகம் உள்பட 33 இடங்களில் வருமானவரித்துறை அதிகாரிகள் இன்று அதிரடி சோதனையில் ஈடுபட்டு வருகின்றனர்.
சசிகலா குடும்பத்தினர் வீடுகளில் நடத்தப்பட்ட சோதனைகளின்போது கைப்பற்றப்பட்ட ஆவணங்களின் அடிப்படையில் இந்த சோதனை நடத்தப்பட்டு வருவதாக தகவல் வெளியாகி உள்ளது.
சத்யம் சினிமாஸ் வசம் இருந்த ஜாஸ் சினிமாஸ் சசிகலா குடும்பத்தினரால் வாங்கப்பட்டது. ஜாஸ் சினிமாஸ் கைமாறியது தொடர்பாக வருமான வரித்துறை அதிகாரிகள் சோதனை நடத்தி வருகின்றனர்.
சென்னையில் சத்யம் சினிமாஸ் நிறுவனத்துக்கு சொந்தமான பல்வேறு இடங்களில் வருமான வரித்துறை அதிகாரிகள் சோதனையைத் தொடங்கி உள்ளனர். சத்யம் சினிமாசுக்கு சொந்தமான தியேட்டர்கள், வீடு, அலுவலகம் என 20-க்கும் மேற்பட்ட இடங்களில் சோதனை நடைபெறுகிறது.
பெரம்பூர் எஸ் 2 சத்யம் சினிமா தியேட்டர் உரிமையாளர் வீடு மற்றும் செங்குன்றத்தில் உள்ள திரையரங்கு உரிமையாளர் வீட்டிலும் சோதனை நடத்தப்பட்டு வருகிறது.
மேலும் ஜாஸ் சினிமாஸ் அலுவலகம், திரையரங்குகளிலும் வருமானவரித்துறை அதிகாரிகள் சோதனை நடத்தி வருகின்றனர்.