சென்னை,
திமுக செயல்தலைவர் ஸ்டாலின் தலைமையில் திமுக மாவட்ட செயலாளர்கள் கூட்டம் இன்று நடைபெற்று வருகிறது.
சென்னை அண்ணா அறிவாலயத்தில் இன்று நடைபெறும் கூட்டத்தில் மாவட்டச் செயலாளர்கள் அனைவரும் தவறாது பங்கேற்க வேண்டும் என கட்சிப் பொதுச் செயலாளர் அன்பழகன் உத்தரவிட்டிருந்தார்.
அதைத்தொடர்ந்து தமிழகம் முழுவதும் இருந்து திமுக மாவட்ட செயலாளர்கள் சென்னை வந்தனர். அதைத்தொடர்ந்து இன்று காலை 10 மணிக்கு அண்ணா அறிவாலயத்தில் திமுக செயல்தலைவர் ஸ்டாலின் தலைமையில் கூட்டம் நடைபெற்று வருகிறது.
இந்த கூட்டத்தில், முதலமைச்சர் பழனிச்சாமி தலைமையிலான அரசு பெரும்பான்மையை நிரூபிக்க உத்தரவிடக்கோரி தொடரப்பட்ட வழக்கு தொடர்பாகவும், வர இருக்கும் உள்ளாட்சித் தேர்தலை எதிர்கொள்வது குறித்தும் விவாதிக்கப்படும் என தெரிகிறது.
மேலும், டெங்கு பாதிப்பு குறித்தும்,டெங்குவை முற்றிலுமாக தமிழகத்தில் ஒழிப்பதற்கு நடவடிக்கை எடுக்கக்கோரி, திமுக சார்பில் தமிழகம் தழுவிய அளவில் போராட்டம் நடத்துவது குறித்தும் விவாதிக்கப்படலாம் என எதிர்பார்க்கப்படுகிறது.