சென்னை: தமிழ்நாட்டில் சிறப்பு மருத்துவக் கலந்தாய்வுக்கான அவகாசம் இன்றுமாலை வரை நீட்டிப்பு செய்யப்பட்டு உள்ளது. அகில இந்திய ஒதுக்கீட்டு கலந்தாய்வு முடிவுகள் வெளியாக தாமதமாவதால், தமிழகத்தில் சிறப்புக் கலந்தாய்வு தேதி மீண்டும் மாற்றப்பட்டுள்ளது.
அதாவது, தமிழக சிறப்புக் கலந்தாய்வு மாணவர் சேர்க்கை நடைமுறை நவம்பர் 16-ஆம் தேதி இறுதி செய்யப்பட்டு, முடிவுகள் நவம்பர் 17-ஆம் தேதி வெளியிடப்படும். ஒதுக்கீட்டு ஆணையைப் பதிவிறக்கம் செய்து, நவம்பர் 20-ஆம் தேதிக்குள் கல்லூரிகளில் சேர வேண்டும். இந்த சிறப்பு கலந்தாய்வு, நீலகிரி மற்றும் திருச்சி அரசு மருத்துவக் கல்லூரிகளில் உள்ள எம்பிபிஎஸ் இடங்கள் உட்பட, மொத்தம் உள்ள 400 காலி இடங்களை நிரப்ப நடத்தப்படுகிறது.
- தேர்வு செய்வதற்கான கால அவகாசம்: கல்லூரிகளில் இடங்களை தேர்வு செய்வதற்கான அவகாசம் நவம்பர் 15, மாலை 5 மணி வரை நீட்டிக்கப்பட்டுள்ளது.
- இடங்கள் ஒதுக்கீடு மற்றும் முடிவுகள்: நவம்பர் 16-ஆம் தேதி இடங்கள் ஒதுக்கீட்டு நடைமுறை இறுதி செய்யப்பட்டு, நவம்பர் 17-ஆம் தேதி முடிவுகள் அறிவிக்கப்படும்.
- கல்லூரியில் சேர வேண்டிய தேதி: நவம்பர் 20-ஆம் தேதிக்குள் ஒதுக்கீட்டு ஆணையை பதிவிறக்கம் செய்து கல்லூரியில் சேர வேண்டும்.
- கண்காணிப்பு: போலிச் சான்றிதழ்கள் மற்றும் ஒதுக்கீட்டு ஆணைகளைத் தடுக்க, கல்லூரிகளுக்கு க்யூஆர் குறியீட்டை ஸ்கேன் செய்து மாணவர்களைச் சரிபார்க்க அறிவுறுத்தப்பட்டுள்ளது.
Patrikai.com official YouTube Channel
