சென்னை: பிரபலமான சமூக வலைதள செயலிகளில் பிரபலமான இன்ஸ்டாகிராம் (instagram) இணைய செயலியில் வன்முறையை தூண்டும் வகையில் பதிவு போட தமிழ்நாடு அரசு தடை விதித்துள்ளது.
இன்ஸ்டாகிராமில், வன்முறை தூண்டும் விதமாக பதிவிடுதல் மற்றும் ரீல்ஸ்கள் போன்றவற்றுக்கு தடை செய்யக்கோரி இன்ஸ்டாகிராம் நிறுவனத்திற்கு தமிழ்நாடு அரசு சார்பாகதமிழ்நாடு அரசு சார்பாக சென்னை பெருநகர காவல் ஆணையர் அருண் ஐபிஎஸ் கடிதம் வழங்க இருப்பதாக அறிவிக்கப்பட்டு உள்ளது.
சுதந்திர தினத்தை முன்னிட்டு செய்தியாளர்களை சந்தித்த , இ சென்னை பெருநகர காவல் ஆணையர் அருண் ஐபிஎஸ் , தொலைக்காட்சியின் அனைத்து குற்றப்பிரிவு செய்தியாளர்களையும் நேரடியாக சந்தித்து சுதந்திர தின வாழ்த்துகளைத் தெரிவித்ததுடன், அவர்களது நலன் குறித்தும் விசாரித்தார். மேலும், இனிமேல் குற்றப்பிரிவு செய்தியாளர்களின் பிறந்தநாளின்போதும், அவர்களை நேரடியாக சந்தித்து வாழ்த்து தெரிவிக்க உள்ளதாகவும் அவர் கூறினார்.
இந்தச் சந்திப்பின் முக்கிய நோக்கம், இன்ஸ்டாகிராம் போன்ற சமூக வலைதளங்களில் அதிகரித்து வரும் வன்முறைத் தூண்டும் பதிவுகள் குறித்து விவாதிப்ப தாகும். குறிப்பாக, பயங்கரமான ஆயுதங்களை காட்சிப்படுத்தி, வன்முறையை ஊக்குவிக்கும் இன்ஸ்டாகிராம் ரீல்ஸ்கள் சமூகத்தில் குற்றச் சம்பவங்களுக்கு வழிவகுப்பதாகக் கூறப்படுகிறது. இதைக் கருத்தில் கொண்டு, இத்தகைய பதிவுகளைத் தடுக்கவும், வன்முறைப் பதிவுகளை நீக்கவும் கோரி இன்ஸ்டாகிராம் நிறுவனத்திற்கு அதிகாரப்பூர்வமாக கடிதம் அனுப்பப்பட உள்ளது.
மேலும், சென்னை பெருநகர காவல் ஆணையர் அலுவலகத்தில், சென்னை மத்திய குற்றப்பிரிவு காவல்துறையினரால் ஒரு தனி குழு அமைக்கப்பட்டு, சைபர் கிரைம் மூலம் இத்தகைய பதிவுகள் தொடர்ந்து கண்காணிக்கப்படும் என்றும் ஆணையர் அருண் ஐபிஎஸ் தெரிவித்தார்.
இந்தக் குழு, இன்ஸ்டாகிராம் உட்பட அனைத்து சமூக வலைதளங்களிலும் வன்முறை மற்றும் குற்றங்களுக்கு வழிவகுக்கும் பதிவுகளைக் கண்காணித்து, உடனடியாக நடவடிக்கை எடுக்க உதவும் என குறிப்பிட்டுள்ளார்.
இந்த நடவடிக்கை, சமூக வலைதளங்களில் பரவும் வன்முறை கலாச்சாரத்தைத் தடுக்கவும், இளைஞர்கள் மத்தியில் நேர்மறையான சமூக ஊடகப் பயன்பாட்டை ஊக்குவிக்கவும் தமிழ்நாடு அரசு எடுத்துள்ள முக்கியமான படியாகப் பார்க்கப்படுகிறது.
