டெல்லி: நாடு முழுவதும் ஜூலை 28ந்தேதி நடைபெறுகிறது சி.எஸ்.ஐ.ஆர். நெட் தேர்வு நடைபெற உள்ளது. இதற்கான விண்ணப்பதிவு கடந்த மாதம் தொடங்கி நடைபெற்ற நிலையில், தேர்வு ஜூலை 28ந்தேதி நடைபெறும் என அறிவிக்கப்பட்டு உள்ளது.
நாடு முழுவதும் உள்ள மத்தியஅரசின் பல்கலைக்கழகங்கள் மற்றும் கல்லூரிகளில் பணி வாய்ப்பு பெற CSIR NET தேர்வு எழுதி தேர்ச்சி பெற வேண்டும். நம் நாட்டில் பல்கலைக்கழகம் மற்றும் கல்லூரிகளில் உதவி பேராசிரியராக பணிபுரியவும், இளநிலை ஆராய்ச்சி படிப்புக்கான மத்திய அரசின் உதவித்தொகை பெறவும் நெட் தகுதித் தேர்வில் தேர்ச்சி பெறவேண்டும்.
இந்த தேர்வு தேசிய தேர்வுகள் முகமை (என்டிஏ) சார்பில் ஆண்டுக்கு இருமுறை கணினிவழியில் நடத்தப்பட்டு வருகிறது. இதில் சி.எஸ்.ஐ.ஆர். நெட் தேர்வு சில அறிவியல் பாடப் பிரிவுகளுக்கு மட்டும் பிரத்யேகமாக நடத்தப்படும். இந்த நிலையில், நடப்பாண்டு நடைபெறும் தேர்வு தேதியை திருச்சி உள்ள ஆணையம், ஐந்து பாடங்களுக்கும் ஒரே நாளில் நடத்தப்படும் என அறிவித்துள்ளது. அதாவது ஜூலை 28, 2025 அன்று தேர்வு நடைபெற உள்ளது.
தேர்வர்களுக்கான அட்மிட் கார்டு, தேர்வுக்கு 8 முதல் 10 நாட்களுக்கு முன்பு வெளியிடப்படும் என அறிவிக்கப்பட்டு உள்ளது. . CSIR NET நுழைவுச் சீட்டு ugcnet.nta.ac.in என்ற அதிகாரப்பூர்வ இணையதளத்திலும் வெளியிடப்படும். விண்ணப்பதாரர்கள் அதிகாரப்பூர்வ இணையதளத்தைப் பார்வையிடுவதன் மூலமோ அல்லது அது வெளியிடப்பட்டதும் கீழே கொடுக்கப்பட்டுள்ள நேரடி இணைப்பு வழியாகவோ அதைப் பதிவிறக்கம் செய்யலாம்.
முன்பு வெளியான தகவலின்படி, நடப்பாண்டுக்கான 2-ம் கட்ட சி.எஸ்.ஐ.ஆர். நெட் தேர்வு ஜூலை 26 முதல் 28-ம் தேதி வரை நடத்தப்படும் என்று அறிவிக்கப்பட்டது. இதற்கான இணையதள விண்ணப்பப் பதிவு கடந்த ஜூன் 3-ல் தொடங்கி 26-ம் தேதியுடன் நிறைவு பெற்றது. இதற்கு 25 ஆயிரத்துக்கும் மேற்பட்ட பட்டதாரிகள் விண்ணப்பித்துள்ளதாக தெரிகிறது. இதற்கிடையே ஹரியானா மாநிலத்தில் ஆசிரியர் தகுதிக்கான டெட் தேர்வு ஜூலை 26, 27-ம் தேதிகளில் நடைபெற வுள்ளது. இதனால் தேர்வு தேதியை மாற்ற வேண்டுமென என்டிஏ-வுக்கு பட்டதாரிகள் கோரிக்கை வைத்தனர்.
அதையேற்று தேர்வுக்கால அட்டவணையில் என்டிஏ தற்போது மாற்றம் செய்துள்ளது. அதன்படி சி.எஸ்.ஐ.ஆர். நெட் தேர்வுகள் ஜூலை 28-ம் தேதி ஒரேகட்டமாக நடத்தப்பட உள்ளது. இந்த தேர்வு ஆங்கிலம், இந்தி ஆகிய மொழிகளில் மட்டுமே நடைபெறும்.
ஹால்டிக்கெட் வெளியீடு உட்பட கூடுதல் விவரங்களை csirnet.nta.ac.in, nta.ac.in ஆகிய வலைத்தளங்களில் அறிந்து கொள்ளலாம். இதில் ஏதேனும் சந்தேகம் இருப்பின் மாணவர்கள் 011-40759000/ 69227700 என்ற தொலைபேசி மூலமாக அல்லது csirnet@nta.ac.in எனும் மின்னஞ்சல் வாயிலாக தொடர்புக் கொண்டு உரிய விளக்கம் பெறலாம் என்று என்டிஏ வெளியிட்ட அறிவிப்பில் கூறப்பட்டுள்ளது.
