சென்னை
பழம்பெரும் தமிழ் நடிகரும் புலியூர் சரோஜாவின் கணவருமான ஜி சீனிவாசன் நேற்று பிற்பகல் மரணம் அடைந்தார்.
பிரபல தமிழ் நடிகர், இயக்குநர், எழுத்தாளர், நடிகர் என பன்முகத் திறன்கொண்டவர் ஜி. சீனிவாசன் (95) இவரது மனைவியான புலியூர் சரோஜா பிரபல நடன இயக்குநர் ஆவார் சீனிவாசன் உடல்நலக் குறைவு காரணமாக மருத்துவமனையில் அனுமதிக்கப்பட்டிருந்தார்.
நேற்று பிற்பகல் சிகிச்சை பலனின்றி உயிரிழந்த ஜி. சீனிவாசன் 8 படங்களை எழுதியும், 3 படங்களை இயக்கியுமுள்ளார். இவர் முரட்டுக்காளை, வாழ்வே மாயம், ஸ்ரீராகவேந்திரா, மனிதன், ராஜாதி ராஜா, உரிமை கீதம், ஐயா, வேங்கை உள்ளிட்ட தமிழ் படங்கள் உள்பட தெலுங்கு, மலையாளம் மொழிகளில் 200-க்கும் மேற்பட்ட படங்களில் நடித்துள்ளார்.
ஜி சீனிவாசன் மற்றும் புலியூர் சரோஜா தம்பதியின் மகன் சில ஆண்டுகளுக்கு முன்பு விபத்தில் உயிரிழந்தார். இன்று மதியம் 1.30 வரையில் இவரது உடல் பொதுமக்கள் அஞ்சலிக்காக அவரது வீட்டில் வைக்கப்பட்டு, ஏவிஎம் மின் மயானத்தில் அவரது உடல் தகனம் செய்யப்படவுள்ளது.
