சென்னை: 2025ஆம் ஆண்டிற்கான யுஜிசி நெட் ஜூன் தேர்வு அட்டவணையை தேசிய தேர்வு முகமை (என்டிஏ) வெளியிட்டு உள்ளது. அதன்படி தேர்வு நடைபெறும் தேதிகள் விவரம் வெளியாகி உள்ளது.
அதன்படி, முதுநிலை கலை மற்றும் அறிவியல் படிப்புகள் முடித்தவர்கள், அதற்கு மேலே ஆராய்ச்சி படிப்பு மற்றும் அசிஸ்டன்ட் புரொபசர் வேலைகளில் சேர உதவியாக இருக்கும் தேர்வு தான் பல்கலைக்கழக மானிய குழு நடத்தும் நெட் UGC-NET தேர்வு தேதிகள் தொடர்பான அட்டவணை வெளியிடப்பட்டு உள்ளது.
ஆராய்ச்சி படிப்பு, உதவி பேராசிரியர் , ஜூனியர் ரிசர்ச் பெல்லோ உள்ளிட்டவற்றில் சேருவதற்கான வாய்ப்பை UGC NET தேர்வு வழங்கும். இந்த தேர்வானது ஆண்டிற்கு இருமுறை நடத்தப்படும்.
யுஜிஜி நெட் தேர்வு ஆண்டுதோறும், ஜூன் மாதம் மற்றும் டிசம்பர் மாதம் வரை நடத்தப்படும். அதன்படி, 2025 ஆம் ஆண்டிற்கான முதல் தேர்வு வரும் ஜூன் 25 முதல் தொடங்க இருக்கிறது. 85 பாடங்களுக்கு நடக்கும் இந்த தேர்வுகள் ஜூன் 29 அன்று நிறைவுபெறுகிறது.
இதற்கான ஆன்லைன் விண்ணப்பம், ஏப்ரல் 16. 2025 அன்று தொடங்கி மே 12ந்தேதியுடன் முடிவடைந்தது. இதில் திருத்தங்கள் செய்ய மே 14,15 ஆகிய இரண்டு தினங்கள் வழங்கப்பட்டன . இந்த காலக்கட்டத்தில் விண்ணப்பம் பதிவு செய்தவர்கள் இந்த ஜூன் 25-29, 2025 வரையான காலத்தில் தேர்வு எழுதலாம் என அறிவிக்கப்பட்டு உள்ளது.
இந்த தேர்வுகளுக்கான முழு காலஅட்டவனை வெளியாகியுள்ளது. நீங்கள் விண்ணப்பித்த பாடம் எந்த நாளில் வருகிறது என்பதை பார்த்து அதற்கான இறுதி தயாரிப்புகளை துரிதப்படுத்திக்கொள்ளுங்கள். தேர்வுக்கு 3 நாட்கள் முன்னர் அனுமதி சீட்டு வழங்கப்படும். 10 நாட்களுக்கு முன்னர் நகர விபரங்கள் அறிவிக்கப்படும். இதற்கு விண்ணப்பித்த நபர்கள் https://ugcnet.nta.ac.in/என்ற அதிகாரபூர்வ இணையதளம் மூலம் விபரங்களைத் தெரிந்துகொள்ளலாம்.
