சென்னை
தனுஷ் நடிக்கும் ராயன் படத்தின் சிறப்பு காட்சிக்கு தமிழக அரசு அனுமதி அளித்துள்ளது.
சன் பிக்சர்ஸ் நிறுவன தயாரிப்பில் நடிகர் தனுஷ் இயக்கி நடித்துள்ள திரைப்படம் ‘ராயன்’ தனுஷ் நடிக்கும் 50-வது திரைப்படமாகும். ராயன் படத்தில் எஸ்.ஜே.சூர்யா, செல்வராகவன், பிரகாஷ் ராஜ், சந்தீப் கிஷான், துஷாரா விஜயன், அபர்ணா பாலமுரளி, வரலட்சுமி சரத்குமார் உள்ளிட்ட பலர் நடித்துள்ளனர்.
இசையமைப்பாளர் ஏ.ஆர்.ரகுமான் இசையமைத்துள்ள இந்த படத்துக்கு ஓம் பிரகாஷ் ஒளிப்பதிவு செய்து பிரசன்னா படத்தொகுப்பு செய்கிறார். ஏற்கனவே இந்த படத்தின் பாடல்கள் மற்றும் டிரைலர் வெளியாகி கவனம் பெற்றது. ராயன் படத்துக்கு தணிக்கைக்குழு ஏ சான்றிதழ் அளித்துள்ளது. நாளை ‘ராயன்’ திரைப்படம் திரையரங்குகளில் வெளியாக உள்ளது.
‘ராயன்’ திரைப்படம் வெளியாகும் 26-ந் தேதி சிறப்பு காட்சிக்கு தமிழக அரசு அனுமதி அளித்துள்ளது. நாளை காலை 9 மணி முதல் அதிகாலை 2 மணிக்குள் 5 காட்சிகள் என்ற அடிப்படையில் திரையிட அனுமதி வழங்கப்பட்டுள்ளது.