தஞ்சாவூர் மாவட்டம்,  பாபநாசம், அருள்மிகு ராமலிங்க சுவாமி ஆலயம்

தஞ்சாவூர் மாவட்டம்,  பாபநாசம், அருள்மிகு ராமலிங்க சுவாமி ஆலயம்

ராமபிரான் பாவம் நீங்கப்பெற்றதால் தலத்திற்கு “பாபநாசம்’ என்ற பெயர் ஏற்பட்டது.  கீழ்ராமேஸ்வரம் என்ற பெயரும் உண்டு. கோயில் முகப்பில் சூரிய தீர்த்தம் உள்ளது. அறியாமல் செய்த பாவம், பித்ருதோஷம் நீங்க இங்கு சுவாமிக்கு தேன், பால் அபிஷேகம் செய்து வேண்டிக்கொள்கிறார்கள். மார்கழி திருவாதிரையன்று நடராஜர் புறப்பாடு உண்டு. கோயில் வளாகத்தில் ராமர், லட்சுணர், சீதை, ஆஞ்சநேயர் ஆகியோர் சிவலிங்க பூஜை செய்யும் புடைப்புச் சிற்பம் உள்ளது.

ராமாயணத்தோடு தொடர்புடைய கோயில் என்பதால், பிரகாரத்தில் ஆஞ்சநேயர், சுக்ரீவர் இருவரும் அருகருகில் வணங்கியபடி நிற்கின்றனர். ராமபிரான், சீதையை மீட்க உதவி செய்தவர் என்பதன் அடிப்படையில் சுக்ரீவரை பிரதிஷ்டை செய்திருப்பதாகச் சொல்கிறார்கள்.  பிரகாரத்தில் வள்ளி தெய்வானையுடன் சுப்பிரமணியர், ஒரே சன்னதியில் காசி விசாலாட்சி, அன்னபூரணி, மற்றொரு சன்னதியில் அருகருகில் காலபைரவர், சனீஸ்வரர், சூரியபகவானும் உள்ளனர்.

திருவிழா:

சிவராத்திரி, நவராத்திரி திருவிழா இங்கு விசேஷமாக நடக்கும். ஐப்பசியில் அன்னாபிஷேகம், மார்கழி திருவாதிரை

தல சிறப்பு:

கோயிலுக்குப் போனால், மூலஸ்தானத்தில் ஒரு சிவலிங்கத்தையோ, பிரகாரத்தில் பரிவார மூர்த்திகளாக மேலும் சில லிங்கங்களையோ தான் தரிசிக்க முடியும்.

ஆனால், ஒரே கோயிலில் 108 லிங்கங்கள், அதுவும் மூலவர்களாக அருள்பாலிக்கும் அற்புத தலம் இத்தலமாகும்.

பொது தகவல்:

கோயில் வளாகத்தில் ராமர், லட்சுணர், சீதை, ஆஞ்சநேயர் ஆகியோர் சிவலிங்க பூஜை செய்யும் புடைப்புச் சிற்பம் உள்ளது. ராமாயணத்தோடு தொடர்புடைய கோயில் என்பதால், பிரகாரத்தில் ஆஞ்சநேயர், சுக்ரீவர் இருவரும் அருகருகில் வணங்கியபடி நிற்கின்றனர்.

ராமபிரான், சீதையை மீட்க உதவி செய்தவர் என்பதன் அடிப்படையில் சுக்ரீவரை பிரதிஷ்டை செய்திருப்பதாகச் சொல்கிறார்கள்.

பிரகாரத்தில் வள்ளி தெய்வானையுடன் சுப்பிரமணியர், ஒரே சன்னதியில் காசி விசாலாட்சி, அன்னபூரணி, மற்றொரு சன்னதியில் அருகருகில் காலபைரவர், சனீஸ்வரர், சூரியபகவானும் உள்ளனர்.

பிரார்த்தனை:

அறியாமல் செய்த பாவம், பித்ருதோஷம் நீங்க இங்கு வழிபாடு செய்யப்படுகிறது.

நேர்த்திக்கடன்:

பிரார்த்தனை நிறைவேறியவுடன் சுவாமிக்கு தேன், பால் அபிஷேகம் செய்து வேண்டிக்கொள்கிறார்கள்.

கோமாதாவிற்கு பிரதோஷம்:

சிவனின் வாகனமான நந்திதான், சுவாமி சன்னதி எதிரில் இருப்பார். ஆனால், இக்கோயிலில் நந்தியும், காமதேனுவும் இருக்கிறது. ராமபிரான், அகத்தியரின் ஆலோசனைப்படி இங்கு காமதேனு செய்தார்.

அதற்கு அகத்தியரே, பிரதோஷ பூஜை செய்ததாக தல வரலாறு கூறுகிறது. தற்போதும், பிரதோஷ வேளையில் அகத்தியர் பூஜை செய்வதாக ஐதீகம். காமதேனு சிலை, கழுத்தில் சலங்கைகள் அணிந்து, சிவனை நேராக பார்த்துக் கொண்டிருக்கும்படி வடிக்கப்பட்டுள்ளது.

சிவராத்திரி சிறப்பு:

ராமலிங்கசுவாமி சன்னதி விமானம் ராமேஸ்வரம் கோயில் அமைப்பிலும், அனுமந்தலிங்க சன்னதி விமானம் காசி விஸ்வநாதர் கோயில் அமைப்பிலும் உள்ளது. எனவே, காசி, ராமேஸ்வரம் செல்ல முடியாதோர் இங்கு வழிபடுகின்றனர். சிவராத்திரி விழா இங்கு விசேஷமாக நடக்கும். அன்றிரவு முழுதும் 108 லிங்கங்களுக்கும் ருத்ர மந்திரம் சொல்லி நான்கு கால பூஜை நடக்கும். ராமலிங்க சுவாமிக்கு மட்டும் ருத்ராபிஷேகம் செய்வர்.

அவ்வேளையில், பக்தர்கள் கோயிலை 108 முறை சுற்றி வருவர். இந்த வைபவம் விசேஷமாக நடக்கும். ஐப்பசி பவுர்ணமியிலும் 108 லிங்கங்களுக்கும் அன்னாபிஷேகம் நடக்கும்.

தல வரலாறு:

இலங்கையில் சீதையை மீட்ட, ராமபிரான் ராமேஸ்வரத்தில் தனக்கு ஏற்பட்ட தோஷம் நீங்க சிவபூஜை செய்து, அயோத்தி திரும்பினார். கரண், தூஷணன் ஆகிய அசுர சகோதரர்களை கொன்ற தோஷம் மட்டும், தங்களை பின்தொடர்வதை உணர்ந்தார். அந்த தோஷம் நீங்க சிவபூஜை செய்ய விரும்பினார். இதற்காக, இங்கு 107 சிவலிங்கங்களைப் பிரதிஷ்டை செய்தார்.

அவ்வேளையில் ஆஞ்சநேயரை காசிக்கு அனுப்பி, ஒரு லிங்கம் கொண்டு வரச்செய்தார். அதையும் சேர்த்து 108 லிங்கங்களைப் பூஜித்த ராமபிரான், தன் தோஷம் நீங்கப்பெற்றார்.  பிரதான சிவனுக்கு, ராமரின் பெயரால் “ராமலிங்கசுவாமி’ என்ற பெயர் ஏற்பட்டது. அனுமன் கொண்டு வந்த லிங்கம் அவரது பெயரால் “அனுமந்தலிங்கம்’ என்ற பெயரில் உள்ளது. பர்வதவர்த்தினிக்கும் சன்னதி எழுப்பப்பட்டது.

சிறப்பம்சம்:

கோயிலுக்குப் போனால், மூலஸ்தானத்தில் ஒரு சிவலிங்கத்தையோ, பிரகாரத்தில் பரிவார மூர்த்திகளாக மேலும் சில லிங்கங்களையோ தான் தரிசிக்க முடியும். ஆனால், ஒரே கோயிலில் 108 லிங்கங்கள், அதுவும் மூலவர்களாக அருள்பாலிக்கும் அற்புத தலம் இத்தலமாகும்.

அமைவிடம்:

தஞ்சாவூரில் இருந்து கும்பகோணம் செல்லும் வழியில் 25 கி.மீ., தூரத்தில், பாபநாசம் பஸ் ஸ்டாப் அருகில் இக்கோயில் உள்ளது. கும்பகோணத்தில் இருந்து 15 கி.மீ., தூரம்.