சென்னை: காங்கிரஸ் எம்.பி.யும் முன்னாள் தலைவருமான ராகுல்காந்திக்கு முதலமைச்சர் ஸ்டாலின் வாழ்த்து தெரிவித்து வீடியோ வெளியிட்டு உள்ளார்.
காங்கிரஸ் கட்சியின் இளந்தலைவரான ராகுல்காந்தியின் 54வது பிறந்தநாள் இன்று நாடு முழுவதும் காங்கிரஸ் கட்சியினரால் கொண்டாடப்பட்டு வருகிறது. இதையொட்டி அவருக்கு அரசியல் கட்சி தலைவர்கள் வாழ்த்து தெரிவித்து வருகின்றனர்.
இந்த நிலையில், தமிழ்நாடு முதலமைச்சரும், திமுக தலைவருமான மு.க.ஸ்டாலின் ராகுலுக்கு வாழ்த்து தெரிவித்து உள்ளார். அவரது வாழ்த்து செய்தியில், அன்பு சகோதரர் ராகுல் காந்திக்கு இனிய பிறந்தநாள் வாழ்த்துக்கள்,
நம் நாட்டு மக்களுக்கான உங்களின் அர்ப்பணிப்பு உங்களை உயரத்திற்கு அழைத்துச் செல்லும். நீங்கள் தொடர்ந்து முன்னேறவும் வெற்றியடையவும் வாழ்த்துக்கள் என குறிப்பிட்டு உள்ளார்.