தேனி
இன்று தமிழக முதல்வர் மு க ஸ்டாலின் தேனியில் பிரசாரம் செய்கிறார்.
நாடெங்கும் நாடாளுமன்றத் தேர்தல் வரும் 19 ஆம் தேதி முதல் ஜூன் 1 ஆம் தேதி வரை 7 கட்டங்களாக நடைபெற உள்ளது வரும் 19 ஆம் தேதி தமிழகத்தில் 39 தொகுதிகள், புதுச்சேரி என மொத்தம் 40 தொகுதிகளிலும் ஒரேகட்டமாகத் தேர்தல் நடைபெற உள்ளது. வாக்குகள் ஜூன் 4ம் தேதி எண்ணப்பட்டு அன்றே முடிவுகள் அறிவிக்கப்பட உள்ளன.
தமிழகத்தில் தி.மு.க. கூட்டணி, அ.தி.மு.க. கூட்டணி, பா.ஜ.க. கூட்டணி, நாம் தமிழர் என 4 முனைப்போட்டி ஏற்பட்டுள்ளது. விரைவில் தேர்தல் நெருங்கிவரும் நிலையில் அரசியல் கட்சித் தலைவர்கள் அனல் பறக்கும் பிரசாரத்தில் ஈடுபட்டு வருகின்றனர்.
தமிழக முதல்வரும், தி.மு.க. தலைவருமான மு.க.ஸ்டாலின் தமிழக முழுவதும் சுற்றுப்பயணம் செய்து, தி.மு.க. மற்றும் கூட்டணிக் கட்சிகளின் வேட்பாளர்களை ஆதரித்து தீவிரத் தேர்தல் பிரசாரத்தில் ஈடுபட்டு வருகிறார்.
இன்று தேனி தொகுதி தி.மு.க. வேட்பாளர் தங்க தமிழ்செல்வன், திண்டுக்கல் தொகுதி மார்க்சிஸ்ட் கம்யூனிஸ்ட் கட்சி வேட்பாளர் சச்சிதானந்தம் ஆகியோரை ஆதரித்து முதல்வர் மு.க.ஸ்டாலின் தேனியில் தேர்தல் பிரசாரம் செய்கிறார்.
தேனி பெரியகுளத்தில் பிரமாண்டப் பிரசாரப் பொதுக்கூட்டத்தில் பங்கேற்கும் முதல்வர் மு.க.ஸ்டாலின் தி.மு.க. மற்றும் கூட்டணி கட்சி வேட்பாளர்களை ஆதரித்து பரப்புரையில் ஈடுபட உள்ளார்.