சென்னை
இன்று அமமுக தனது நாடாளுமன்றத் தேர்தல் வேட்பாளர்கள் பட்டியலை வெளியிட்டுள்ளது.
தமிழகத்தில் 39 தொகுதிகள் மற்றும் புதுச்சேரி என மொத்தம் 40 தொகுதிகளிலும் ஏப்ரல் 19 ஆம் தேதி ஒரேகட்டமாகத் தேர்தல் நடைபெற உள்ளது. இந்த தேர்தலில் பதிவாகும் வாக்குகள் ஜூன் 4 ஆம் தேதி எண் ணப்பட்டு அன்றே முடிவுகள் அறிவிக்கப்பட உள்ளது.
தேர்தல் தேதி அறிவிக்கப்பட்டது முதல் தேர்தல் களம் பரபரப்பு அடைந்துள்ளது . தமிழகத்தில் தி.மு.க. கூட்டணி, அ.தி.மு.க. கூட்டணி, பா.ஜ.க. கூட்டணி, நாம் தமிழர் என 4 முனைப்போட்டி ஏற்பட்டுள்ளது.
இதில் பா.ஜ.க. கூட்டணியில் டி.டி.வி. தினகரன் தலைமையிலான அ.ம.மு.க.வுக்கு திருச்சி, தேனி ஆகிய இரு தொகுதிகள் ஒதுக்கப்பட்டுள்ளன.இன்று அந்த தொகுதிகளில் போட்டியிடும் வேட்பாளர்களை, அ.ம.மு.க வெளியிட்டது.
தேனி தொகுதியில் டி.டி.வி. தினகரனும் திருச்சி தொகுதியில் செந்தில் நாதனும் போட்டியிட உள்ளனர். தேனி தொகுதியில் தி.மு.க சார்பில் தங்க தமிழ்ச்செல்வனும் அ.தி.மு.க சார்பில் வி.டி நாராயணசாமியும் போட்டியிடுகிறார்கள்.