சென்னை; நாளை திமுக பொதுக்குழு அமிஞ்சிக்கரையில் உள்ள தனியார் பள்ளி வளாகத்தில் நடைபெற உள்ளதால், அதற்கான ஏற்பாடுகள் தீவிரமாக நடைபெற்று வருகின்றன. இதையொட்டி நாளை கீழ்ப்பாக்கம் முதல் அமிஞ்சிகரை வரை போக்குவரத்தில் மாற்றம் செய்யப்பட உள்ளதாக காவல்துறை தெரிவித்து உள்ளது. திமுக பொதுக்குழு கூட்டத்திற்கான ஏற்பாடுகளை திமுக தலைவரும், முதலமைச்சருமான மு.க.ஸ்டாலின் பார்வையிட்டு வருகிறார். உடன் அமைச்சர்கள் எவ.வேலு, சேகர்பாபு மற்றும் கலாநிதி வீராசாமி உள்பட மூத்த தலைவர்கள் நேரில் பார்வையிட்டு ஆய்வு செய்தனர்.
திமுகவின் 15-ஆவது பொதுத் தோ்தலில் புதிதாகத் தோ்ந்தெடுக்கப்பட்ட பொதுக்குழு உறுப்பினா்களின் கூட்டம் நாளை காலை 9 மணிக்கு . சென்னை அமைந்தகரை பச்சையப்பன் கல்லூரி எதிரில் உள்ள செயின்ட் ஜாா்ஜ் பள்ளி விங்க்ஸ் கன்வென்ஷன் சென்டரில் கூட்டம் நடைபெறவுள்ளது. இந்த கூட்டத்தில் புதிதாகத் தோ்ந்தெடுக்கப்பட்ட பொதுக்குழு உறுப்பினா்கள் அனைவரும் கலந்து கொள்ள வேண்டும் என அறிவிக்கப்பட்டு உள்ளது.
மேலும்,. இந்தக் கூட்டத்தில் திமுக தலைவா், பொதுச் செயலாளா், பொருளாளா் ஆகிய பொறுப்புகளுக்கான தோ்தல் குறித்தும், தணிக்கைக்குழு உறுப்பினா்களுக்கான தோ்தல் நடவடிக்கைகளும் மேற்கொள்ளப்படும் என்று கூறப்படுகிறது. இதையொட்டி நேற்று, திமுக தலைவர் தோ்தலில் போட்டியிட முதல்வா் மு.க.ஸ்டாலின் தனது வேட்புமனுவை தாக்கல் செய்துள்ளார். இதேபோன்று, பொதுச் செயலாளா் பதவிக்கு அமைச்சர் துரைமுருகனும், பொருளாளா் பதவிக்கு திமுக நாடாளுமன்ற குழுத் தலைவா் டி.ஆா்.பாலுவும் வேட்புமனுவை தாக்கல் செய்தனர்.
இந்த நிலையில், செயின்ட் ஜாா்ஜ் பள்ளி வளாகத்தில் பொதுக்குழு கூட்டம் நடைபெறும் வகையில் பிரமாண்டமான மேடை அமைக்கும் பணிகள் நடைபெற்ற முடிந்து, அலங்கார வேலைகள் நடைபெற்ற வருகின்றன.
திமுக பொதுக் குழுக் கூட்டம் நாளை நடைபெற உள்ளதையொட்டி கீழ்ப்பாக்கம் பகுதியில் போக்குவரத்து மாற்றம் செய்யப்படுவதாக சென்னை பெருநகர காவல் துறையின் போக்குவரத்துப் பிரிவு தெரிவித்துள்ளது.