டெல்லி: பாராளுமன்றத்தில் பாஜக சார்பில் மாநிலங்களவை எம்.பி.யாக இருந்த மத்திய அமைச்சர் முக்தர் அப்பாஸ் நக்வி ராஜினாமா செய்துள்ளதைத் தொடர்ந்து, பாரதிய ஜனதா கட்சி முஸ்லிம் சமுதாயத்தை சேர்ந்த எம்.பி.க்கள் இல்லாத கட்சியாக மாறி உள்ளது. நாடாளுமன்றத்தில் மொத்தம் 395 எம்.பி.க்களை வைத்துள்ள பாரதிய ஜனதா கட்சி, சிறுபான்மையினமான முஸ்லிம் சமுதாயத்தினருக்கு மதிப்பளிக்கும் வகையில், அச்சமுகத்தைச் சேர்ந்த ஒருவரைக்கூட உறுப்பினராக வைத்திருக்கவில்லை என்பது குறிப்பிடத்தக்கது.
மத்திய சிறுபான்மையினர் நலத்துறை அமைச்சர் முக்தர் அப்பாஸ் நக்வியின் பதவி காலம் இன்றுடன் முடிவடையும் நிலையில், அவர் நேற்று திடீரென ராஜினாமா செய்துள்ளார். இதன் காரணமாக, பாராளுமன்றத்தில் பாஜக கட்சி சார்பில் எந்தவொரு இஸ்லாமிய எம்.பி.க்களும் இடம்பெறவில்லை. முக்தர் அப்பாஸ் நக்வி பாஜக தலைமையிலான தேசிய ஜனநாய கூட்டணி சார்பில் துணை குடியரசுதலைவர் பதவிக்கு போட்டியிட வாய்ப்பு உள்ளதாக டெல்லி வட்டார தகவல்கள் தெரிவிக்கின்றன.
முஸ்லிம்கள் அதிகம் விரும்பாத கட்சியாகக் கருதப்படும் பாஜகவில் 2019 மக்களவைத் தேர்தலில் அம்மதத்தினர் ஏழு பேர் போட்டியிட்டனர். ஆனால், ஒருவரால் கூட இதில் வெற்றி பெற முடியவில்லை. பாஜக வரலாற்றில் இதுவரை நாடாளுமன்ற எம்.பி.யாக 7 பேர் மட்டுமே இடம்பெற்றுள்ளனர். முக்தார் அப்பாஸ் நக்வீ, எம்.ஜே.அக்பர், நஜ்மா ஹெப்துல்லா, ஷானாவாஸ் உசைன், சிக்கந்தர் பக்த் மற்றும் ஆரிப் உசைன் ஆகியோர் எம்.பி.க்களாக இருந்தனர். அதைத்தொடர்ந்து, ஜபர் எம்.பி.யாக இருந்தார். அவர்களின் பதவிக்காலம் முடிவடைந்த நிலையில், மீண்டும் முஸ்லிம்களுக்கு பாஜக வாய்ப்பு வழங்கவில்லை.
2014 மற்றும் 2019 பொதுத் தேர்தல்களில் நரேந்திர மோடி தலைமையிலான பிஜேபி, அதன் கூட்டணிக் கட்சிகளுடன் பெரும்பான்மை பெற்று ஆட்சி அமைக்க முடிந்தாலும், அக்கட்சியின் முஸ்லீம் வேட்பாளர்கள் எவரும் இரு ஆண்டுகளிலும் மக்களவைக்கு தேர்ந்தெடுக்கப்படவில்லை.
2014 இல், பாஜக மொத்தம் 482 பேரில் ஏழு முஸ்லிம் வேட்பாளர்களை நிறுத்தியது. இருப்பினும், அப்போது சிட்டிங் எம்பியாக இருந்த ஷாநவாஸ் உசேன் உட்பட அனைவரும் தோல்வியடைந்தனர். 2014 தேர்தலில், ‘மோடி அலை’ என்று கருதப்பட்டதன் கீழ் பாஜக முதன்முதலில் ஆட்சிக்கு வந்தபோது, ஒட்டுமொத்தமாக அக்கட்சி 31% வாக்குகளைப் பெற முடிந்தது. இருப்பினும், முஸ்லீம் வேட்பாளர்கள் தங்கள் முஸ்லிமல்லாத சகாக்களை விட கணிசமாக மோசமாக உள்ளனர். முஸ்லிம் வேட்பாளர்கள் சராசரியாக தலா 80,000 வாக்குகளைப் பெற்றாலும், பாஜகவின் முஸ்லீம் அல்லாத வேட்பாளர்கள் தலா 3.5 லட்சம் வாக்குகளைப் பெற்றுள்ளனர்.
2019 ஆம் ஆண்டில், ஆறு முஸ்லீம் வேட்பாளர்களை நிறுத்தியது – ஜம்மு மற்றும் காஷ்மீரில் மூன்று, மேற்கு வங்கத்தில் இரண்டு மற்றும் லட்சத்தீவில் ஒரு – ஆனால் மீண்டும், அவர்களில் எவரும் ஒரு இடத்தை வெல்ல முடியவில்லை.
அதுபோல எந்த மாநிலத்திலும், யூனியன் பிரதேசத்திலும் பாஜக எம்எல்ஏ எவரும் இல்லை. பொதுத் தேர்தல்கள் மட்டும் முஸ்லிம்கள் பாஜகவில் இருந்து விலகிச் செல்லும் தேர்தல் அல்ல. 28 மாநிலங்கள் மற்றும் மூன்று யூனியன் பிரதேசங்களின் சட்டமன்றங்களில் தற்போது ஒரு பாஜக சட்டமன்ற உறுப்பினர் கூட இல்லை.
இந்த ஆண்டின் தொடக்கத்தில் ஐந்து மாநிலங்களில் சட்டமன்றத் தேர்தல்களுக்குப் பிறகு மந்திர்-மஸ்ஜித் அரசியல் சூடுபிடித்துள்ள நிலையில், அடுத்த பொதுத் தேர்தலுக்கு பாஜக தயாராகி வரும் நிலையில், இன்னும் இரண்டு ஆண்டுகளுக்குள், முஸ்லிம்களை நெருங்கி வரக்கூடிய நல்லுறவுக்கான எந்த அறிகுறியும் தெரியவில்லை.
இந்த நிலையில், மத்திய அமைச்சர் முக்தார் அப்பாஸ் நக்வி மட்டுமே தொடர்ந்து வந்தார். ஆனால், அவரது பதவிக்காலம் இன்று முடிவடைய உள்ள நிலையில், அவரும் நேற்று தனது எம்.பி. பதவியை ராஜினாமா செய்துள்ள நிலையில், தற்போது பாரதிய ஜனதா கட்சி, முஸ்லிம் சமூகத்தைச் சேர்ந்த எம்.பி.க்கள் ஒருவர்கூட இடம்பெறாத தேசிய கட்சியாக மாறி உள்ளது.