கடந்த 2017-ம் ஆண்டு முதல் ஸ்டார் விஜய் டிவி-யில் ஓளிப்பரப்பாகி வருகிறது பிக் பாஸ் தமிழ் ரியாலிட்டி ஷோ.
கடந்த நான்கு ஆண்டுகளாக இந்த நிகழ்ச்சியை தமிழில் உலக நாயகன் கமல்ஹாசன் தொகுத்து வழங்கி வருகிறார்.
2020-ம் ஆண்டு கொரோனா பெருந்தொற்று காரணமாக தாமதமாக துவங்கப்பட்டு அக்டோபர் முதல் வாரத்தில் ஒளிபரப்பப்பட்டது.
கடந்த பிக்பாஸ் சீசனில் நடிகர் கமல், வார இறுதியில் ஒரு நாள் மட்டும் பிக் பாஸ் படப்பிடிப்பில் கலந்து கொள்ள ஒரு வாரத்திற்கு தலா ரூ .3 கோடியை சம்பளமாக பெற்று கொண்டார்.
இந்நிலையில் இந்த ஆண்டு நடைபெற உள்ள பிக் பாஸ் நிகழ்ச்சியின் சீசன் 5-க்கான கமல்ஹாசனின் சம்பளம் பற்றி இணையத்தில் சில தகவல்கள் பரவி வருகின்றன. பிக் பாஸின் 5 வது சீசனை நடத்த கமல் முன்பை விட வாரத்திற்கு கூடுதலாக தலா ரூ.50 லட்சம் கேட்டுள்ளதாக தகவல் வெளியாகியுள்ளது. அதாவது வாரத்திற்கு சுமார் ரூ.3.5 கோடி சம்பளம் கேட்டுள்ளார் கமல்.
இதற்கு ஒப்புதல் கிடைத்துள்ளதை அடுத்து பிக் பாஸ் சீசன் 5-ல் பங்கேற்க உள்ள கமல் ஒட்டு மொத்தமாக சுமார் ரூ.50 கோடியை பெற உள்ளதாக தகவல் வெளியாகி உள்ளது.