ஆனந்த் ஷங்கர் இயக்கத்தில் விஷால் மற்றும் ஆர்யா இணைந்து நடிக்கும் திரைப்படம் எனிமி.
இந்தப் படத்தில் பிரகாஷ்ராஜ், மிருணாளினி ரவி, கருணாகரன் உள்ளிட்ட பலர் முக்கிய கதாபாத்திரத்தில் நடித்து வருகிறார்கள். இந்தப் படத்தில் விஷாலின் லுக் கொண்ட போஸ்டர் டிசம்பர் 17-ம் தேதி வெளியானது.
அதன் தொடர்ச்சியாக ஆர்யா லுக் கொண்ட போஸ்டர் வெளியாகியுள்ளது. கையில் விலங்குடன் சாங்கி சிறை கைதியாக உள்ளார் ஆர்யா. அருகில் வரிசையாக துப்பாக்கிகள் இருப்பது போன்று உள்ளது. இதில் விஷாலுக்கு வில்லனாக ஆர்யா நடிக்கவுள்ளது குறிப்பிடத்தக்கது.
மினி ஸ்டுடியோஸ் நிறுவனம் சார்பில் வினோத் இந்தப் படத்தைத் தயாரித்து வருகிறார். படத்திற்கு தமன் இசையமைக்கிறார். ஒளிப்பதிவாளராக ஆர்.டி.ராஜசேகர், கலை இயக்குனராக டி.ராமலிங்கம் ஆகியோர் பணிபுரிந்து வருகிறார்கள்.
இந்நிலையில் ‘எனிமி’ படத்தின் டீஸர் இரண்டு வாரங்களில் வெளிவரும் என தயாரிப்பாளர் வினோத் தனது சமூக வலைதளத்தில் அறிவித்துள்ளார்.
“ENEMY புதுப்பிப்புகளைக் கேட்பவர்களுக்கு, படத்தின் 90% முடிவடைந்து விட்டது, பத்து நாட்கள் படப்பிடிப்பு சென்னையில் உள்ளது. அதை விரைவில் முடிக்க திட்டமிட்டு, டீசரை இரண்டு வாரங்களில் வெளியிட திட்டமிட்டுள்ளோம். ENEMY டீஸரைப் பார்க்க ஆவலுடன் இருக்கிறீர்களா? காத்திருங்கள்!” என்று தெரிவித்துள்ளார்.
For those who are asking ENEMY updates , friends 90% of the film is completed and Ten days shoot left in Chennai. Planning to finish it asap and releasing the Teaser In two weeks time. 🙏 #Enemy
— Vinod Kumar (@vinod_offl) April 10, 2021