இதற்கு ஓய்வூதியதாரர்களின் மத்தியில் கடும் எதிர்ப்பு கிளம்பியது. மேலும் கொரோனா காலக் கட்டத்தில், மக்கள் வீட்டை விட்ட வெளியே வரவே அனுமதி மறுக்கப்படும் நிலையில், வயதானவர்கள் எப்படி வங்கிக்கு செல்ல முடியும் என்றும் கேள்வி எழுப்பப்பட்டது.
இந்த நிலையில், ஓய்வூதியர்களின் வங்கி கணக்கை முடக்க வேண்டாம் என வங்கிகளுக்கு தமிழக கருவூலம் மற்றும் கணக்குகள் ஆணையர் சி.சமயமூர்த்தி, அனைத்து கருவூல ஓய்வூதியம் வழங்கும் அதிகாரிகளுக்கும் சுற்றறிக்கை அனுப்பி உள்ளார். அதில் கூறியிருப்பதவாது,
பல்வேறு ஓய்வூதியர் சங்கங்களும், ஓய்வூதியர்களும் எழுதிய கடிதங்கள் கிடைக்கப்பெற்றன. அதில் கடந்த 6 மாதங்களாக ஓய்வூதியத்தை வங்கி கணக்கில் இருந்து எடுக்காதது பற்றி தெரிவித்திருந்தனர். கொரோனா பரவல் காரணமாக, அவர்களுக்கு குறிப்பாக முதியோர் வெளியே செல்வதற்கு பிறப்பிக்கப்பட்டிருந்த கட்டுப்பாடுகளினால், கடந்த 6 மாதங்களுக்கும் மேலாக ஓய்வூதியர்கள் தங்களின் வங்கி கணக்கை இயக்க முடியாமல் போய்விட்டது.
எனவே கொரோனா பரவல் காரணங்களுக்காக, கடந்த 6 மாதங்களாக செயல்படுத்தப்படாமல் இருக்கும் ஓய்வூதியர்களின் வங்கி கணக்கை முடக்க வேண்டாம். இதுகுறித்த தகுந்த அறிவுரைகளை சார் கருவூலம் உள்பட அனைத்து கீழ்நிலை பணியாளர்களுக்கும் வழங்க வேண்டும்.
இவ்வாறு அதில் கூறப்பட்டுள்ளது.