சென்னை: தென் மாவட்டங்களில் 3நாள் தேர்தல் பிரசாரம் செய்யும் நோக்கில் இன்று முற்பகல் தூத்துக்குடி வந்த ராகுலுக்கு, மாவட்ட காங்கிரஸ் சார்பில் உற்சாக வரவேற்பு அளிக்கப்பட்டது.
தமிழகத்தில் வரும் ஏப்ரல் 6ம் தேதி சட்டமன்றத் தேர்தல் நடைபெற உள்ளாதால், தேர்தல்களம் பரபரப்பு அடைந்துள்ளது. ஏற்கனவே தமிழகத்தில் முதல்கட்ட தேர்தல் பிரசாரத்தை முடிந்துள்ள காங்கிரஸ் தலைவர் ராகுர்காந்தி, 2வது கட்ட தேர்தல் பரப்புரைக்காக இன்று தூத்துக்குடி வந்துள்ளார். தொடர்ந்து நாளை நெல்லை, தென்காசி பகுதிகளில் பிரசாரம் செய்யும் ராகுல், நாளை மறுதினம் கன்னியாகுமரி மாவட்டத்தல் பிரசாரம் செய்கிறார்.
இன்று டெல்லியில் இருந்து தனி விமானத்தில் தூத்துக்குடி வந்த ராகுலுக்கு தமிழக காங்கிரஸ் கட்சியினர் சார்பில் உற்சாக வரவேற்பு அளிக்கப்பட்டது. தரை தப்பட்டைகள் முழங்க ஆட்டம் பாட்டங்களுடன் சாலையின் இருபுறங்களிலும் ஆயிரக்கணக்கான பொதுமக்கள் கூடி நின்று வரவேற்பு அளித்தனர்.
இன்று காலை 11 மணியளவில் தூத்துக்குடி வருகிறார் ராகுல்காந்தி… 3 நாள் தேர்தல் பிரசாரம்…