30 கோடி ரூபாய் மதிப்பீட்டில் 17 கிலோமீட்டர் நீளமுள்ள சாலையை வெறும் 7 நாட்களில் விரிவாக்கம் செய்ய முடியுமா? அதுவும் மலைப் பகுதியில்?
இரட்டை என்ஜின் பொருத்தி வேகமாக செயல்பட்டாலும் இது சாத்தியமற்றது என்று பெரும்பாலான உள்கட்டமைப்பு நிபுணர்கள் கூறியுள்ளனர்.
இருந்தபோதும், இந்த நம்பமுடியாத சாதனை அசாமின் கர்பி அங்லாங் மாவட்டத்தில் சாதிக்கப்பட்டுள்ளது அதுவும் காகிதத்தில் மட்டும்.
விசாரணையில், அரசியலமைப்பின் ஆறாவது அட்டவணையின் கீழ் அமைக்கப்பட்ட தன்னாட்சி மாவட்ட கவுன்சிலான கர்பி ஆங்லாங் தன்னாட்சி கவுன்சிலின் தலைவரான துலிராம் ரோங்ஹாங்குடன் தொடர்புடைய நிறுவனங்களால் ஒரே பணிக்கான ஒப்பந்தம் இரண்டு முறை எடுக்கப்பட்டது தெரியவந்துள்ளது.
டிசம்பர் 22, 2020 அன்று, டிபு-டில்லாய்-சரிஹுஜன் சாலையின் வடிவியல் மேம்பாட்டுடன் விரிவுபடுத்தும் பணியை செயல்படுத்துவதற்கான ஒப்பந்தத்தை காச்சே கன்ஸ்ட்ரக்ஷன் (OPC) பிரைவேட் லிமிடெட் நிறுவனத்திற்கு வழங்கி அசாம், PWD (R&B) ஹில்ஸ், கூடுதல் தலைமைப் பொறியாளர் அலுவலகம் உத்தரவு பிறப்பித்தது.
ஒரு வாரம் கழித்து, டிசம்பர் 29, 2020 அன்று, பீரோலா முதல் (ரோங்பிளிம்பாலம்) – கர்பி அங்லாங்கில் உள்ள டிபு வரை உள்ள 17 கிமீ நீள சாலை போடப்பட்டதற்கான பணி நிறைவு சான்றிதழை டிபுவின் PWD சாலைப் பிரிவின் நிர்வாகப் பொறியாளர் வழங்கியுள்ளார்.
இந்த அதிசயத்தை சாத்தியமாக்கிய கச்சே கட்டுமான நிறுவனம் பிஜேபி தலைவர் துலிராம் ரோங்காங்கின் மகன் சிங்டன் ரோங்ஹாங்கிற்கு சொந்தமானது, அவர் இந்திய அரசியலமைப்பின் 6வது அட்டவணையின் கீழ் அமைக்கப்பட்ட தன்னாட்சி மாவட்ட கவுன்சிலான கர்பி ஆங்லாங் தன்னாட்சி கவுன்சிலின் தலைமை நிர்வாக உறுப்பினரும் (CEM) ஆவார்.
துலிராம் ரோங்ஹாங்கிடம் இந்த நம்பமுடியாத சாதனை எப்படி முடிந்தது என்று கேட்டபோது எந்த முறைகேடும் நடைபெறவில்லை என்று அவர் மறுத்தார்.
பாஜக எம்எல்ஏ பிரசாந்த் புகான் தலைமையிலான காங்கிரஸ், ஏஐயுடிஎஃப் எம்எல்ஏக்கள் அடங்கிய 6 பேர் கொண்ட சட்டப்பேரவைக் குழு, கடந்த 3 மாதங்களுக்கு முன்பு இந்த சாலையை ஆய்வு செய்து பணிகள் சிறப்பாக நடைபெற்றதாக முதல்வரிடம் அறிக்கை அளித்தனர்.
இதுகுறித்து புகானிடம் கேள்வியெழுப்பப்பட்டது, “நாங்கள் சாலையை தோண்டிப்பார்க்கவில்லை. எத்தனை நாட்களில் சாலை அமைக்கப்பட்டது என்று எங்களுக்கு தெரியாது. இதுகுறித்து ஊழல் தடுப்புப் பிரிவினரின் விசாரணைக்கு மாநில அரசு உத்தரவிட வேண்டும்” என்று தெரிவித்துள்ளார்.
இவ்வளவு பெரிய அளவில் (17 கி.மீ., சாலை விரிவாக்கம்) பணிகள் நடந்தால், தரமான பணிகளை, ஏழு நாட்களில் முடிக்க முடியாது என, உள்கட்டமைப்பு நிபுணர்கள் கூறுகின்றனர். 17 கி.மீ., பணியை, ஏழு நாட்களுக்குள் முடிக்க, தொழில்நுட்ப ரீதியாக இயலாது என, பெயர் வெளியிட விரும்பாத, ஓய்வு பெற்ற பொதுப்பணித்துறை அதிகாரி ஒருவர் தெரிவித்தார்.
பெரும்பாலான அரசு ஒப்பந்தங்கள் துலிராம் ரோங்ஹாங்கின் சகோதரர் ராபிராம் ரோங்ஹாங்கிற்குச் சொந்தமான கச்சே கன்ஸ்ட்ரக்ஷன் மற்றும் இங்லாங் எண்டர்பிரைஸ் மூலம் நிறைவேற்றப்படுவதாக குற்றம் சாட்டப்பட்டுள்ளது.
இந்தியா டுடே மேற்கொண்ட விசாரணையில், துலிராம் ரோங்ஹாங்குடன் தொடர்புடைய நிறுவனங்களால் ஒரே பணிக்கான ஒப்பந்தம் இரண்டு முறை எடுக்கப்பட்டது தெரியவந்துள்ளது.
2018 டிசம்பரில், கர்பி ஆங்லாங் போக்குவரத்து மற்றும் மேம்பாட்டுத் துறை, டிஎம் சாலையில் உள்ள போலீஸ் பாயின்ட் 1 முதல் மதிபுக் தினாலி வரையிலான 1.6 கி.மீ நீளத்திற்கு சாலையை மேம்படுத்துவதற்காக ரூ.9.32 கோடி மதிப்பிலான ஒப்பந்தத்தை துலிராம் ரோங்ஹாங்கின் மைத்துனரின் மகள் மணிம் டெரோன்பிக்கு வழங்கியது.
மூன்று மாதங்களுக்குப் பிறகு, முதல்வரின் ரூ. 100 கோடி சிறப்புத் தொகுப்பின் கீழ், மீண்டும் அதே சாலையின் முதல் போலீஸ் பாயிண்ட் முதல் டி.எம் சாலை மதிபுக் தினாலி வரை 1.6 கி.மீ-க்கு சாலை அமைக்க ரூ.14 கோடி ஒப்பந்தம் இங்லாங் எண்டர்பிரைஸுக்கு வழங்கப்பட்டது.