வேலூர்: பிரபல பல்கலைக்கழகங்களில் ஒன்றான வேலூர் விஐடியில் மாணவர்கள் சேர்க்கைக்கான ஆன்லைன் நுழைவுத் தேர்வு வரும் 28ந்தேதி முதல் தொடங்கி 31ந்தேதி வரை 3 நாட்கள் நடைபெற உள்ளது.
வேலூர் காட்பாடி அருகே உள்ளது விஐடி பல்கலைக்கழகம். நாட்டின் மிகச்சிறந்த பல்கலைக்கழகக்ளில் ஒன்றாக விஐடி திகர்ந்து வருகிறது. வேலுார் ‘இன்ஸ்டிடியூட் ஆப் டெக்னாலஜி’ என்ற வி.ஐ.டி., நிறுவனம், வேலுார், சென்னை, ஆந்திரா மற்றும் போபால் ஆகிய இடங்களில், நிகர் நிலை பல்கலையாக செயல்படுகிறது. இந்த கல்வி நிறுவனத்தில் சேர கடும் போட்டி நிலவி வருகிறது.
பிளஸ் 2 முடித்த மாணவர்கள், இந்த கல்வி நிறுவனத்தின் தொழில்நுட்ப பட்டப்படிப்புகளில் சேர, நுழைவு தேர்வில் தேர்ச்சி பெற வேண்டும். இந்த ஆண்டுக்கான நுழைவு தேர்வு, ‘ஆன்லைன்’ வழியில், வரும், 28, 29, 31ம் தேதிகளில் நடக்கும் என, அறிவிக்கப்பட்டுள்ளது.
இதற்கான ஆன்லைன் விண்ணப்ப பதிவு, 2020 நவம்பரில் துவக்கப்பட்டது. விண்ணப்பிக்க, 20ம் தேதி கடைசி நாள். நுழைவு தேர்வு விண்ணப்பம், கல்வி நிறுவனத்தில் இடம் பெற்றுள்ள படிப்பு விபரங்கள், மாணவர் சேர்க்கை நடவடிக்கை போன்றவை குறித்து, www.vit.ac.in என்ற இணையதளத்தில் கூடுதல் விபரங்களை தெரிந்து கொள்ளலாம்.
விஐடி – 2021ம் ஆண்டிற்கான நுழைவு தேர்வு கொரோனா நோயின் தாக்கத்தால் ஆன்லைன் வழியாக வரும் 28, 29, 31 ஆகிய தேதிகளில் நடைபெற உள்ளது. நுழைவு தேர்வுக்கான விண்ணப்பம் வரும் 20ம் தேதியுடன் முடிகிறது. மாணவர்கள் நுழைவு தேர்வுக்கான விண்ணப்பத்தை விரைவாகவும், கவனமாகவும் பூர்த்தி செய்ய கேட்டுக்கொள்ளப்படுகின்றனர்.
மேலும், தகவல்களுக்கு www.vit.ac.in என்ற இணைய பக்கத்தில் பார்க்கவும்.