சென்னை
விடுதலை 2 திரைப்படம் தற்போதுஅமேசான் பிரைம் ஓடிடியில் வெளியாகி உள்ளது.
கடந்த மாதம் 20 ஆம் தேதி இயக்குனர் வெற்றிமாறன் இயக்கத்தில் திரையரங்குகளில் வெளியான ‘விடுதலை 2′ படத்தில் சூரி மற்றும் விஜய்சேதுபதி முக்கிய கதாபாத்திரங்களில் நடித்திருந்தனர். சேத்தன், கென் கருணாஸ், பவானிஶ்ரீ, இளவரசு, பாலாஜி சக்திவேல், மஞ்சுவாரியர், கிஷோர், போஸ் வெங்கட் உள்ளிட்ட பலர் நடித்தனர்.
படத்தை எல்ரெட் குமார் தயாரிக்க இளையராஜா இசையமைத்திருந்தார். மக்கள் மத்தியில் இந்தப் படம் நல்ல வரவேற்பை பெற்ற நிலையில்’விடுதலை 2’ படம் ஓ.டி.டி.யில், திரையரங்குகளில் இடம்பெற்ற காட்சிகளை விட ஒரு மணிநேரம் கூடுதலாக வெளியாகும் என இயக்குனர் வெற்றி மாறன் தெரிவித்திருந்தார்.
எனவே இப்படத்தின் ஓடிடி ரிலீஸை எதிர்பார்த்து ரசிகர்கள் காத்திருந்தனர். ஏற்கனவே இப்படம் ஜீ 5 தளத்தில் வெளியாகும் என்று தகவல் வெளியாகி இருந்தது. ஆனால் இன்று அமேசான் பிரைம் வீடியோவில் விடுதலை 2 திரைப்படம் வெளியாகி உள்ளது.