சென்னை: மிக்ஜாம் புயல் காரணமாக, சென்னையில் இன்னும் வெள்ளம் முழுமையாக வடியாத நிலையில், 5வது நாளாக நாளையும் சென்னையில் பள்ளி, கல்லூரிகளுக்கு விடுமுறை அறிவிக்கப்பட்டு உள்ளது.
சென்னையை புரட்டிப்போட்ட மிக்ஜாம் புயல் காரணமாக, பல பகுதிகளில் தண்ணீர் தேங்கி உள்ளது. முக்கிய பகுதிகளில் உள்ள வெள்ள நீர் வடிந்துள்ள நிலையில், உள்பகுதிகளில் மழைநீர் இன்னும் வடியாத நிலை உள்ளது. இதனால் பல பகுதிகளில் இன்னும் மின்சாரம் வழங்கப்படாத நிலையில், பல பகுதிகளில் மக்கள் நிவாரண உதவிக்கேட்டு போராடி வருகின்றனர். பல பகுதிகளில் பாதிக்கப்பட்ட மக்கள் மாநகராட்சி பள்ளிகளிலும், சமுக நலக்கூடங்களிலும் தங்க வைக்கப்பட்டு உள்ளனர்.
இந்த நிலையில், சென்னை பள்ளி, கல்லூரிகளுக்கு 5ஆவது நாளாகநாளை விடுப்பு அறிவிக்கப்பட்டுள்ளது. சென்னை மாவட்டத்தில் உள்ள அனைத்து பள்ளிகள் மற்றும் கல்லூரிகளுக்கு நாளை (8.12.2023) விடுமுறை அளிக்கப்படுவதாக தமிழ்நாடு அரசு அறிவிப்பு வெளியிட்டுள்ளது.
‘மிக்ஜாம்’ புயல் காரணமாக ஏற்பட்ட கனமழையால் சென்னை, மாவட்டத்தில் உள்ள அனைத்து பள்ளிகள் மற்றும் கல்லூரிகளுக்கு 4.12.2023 முதல் 7.12.2023 வரை தமிழ்நாடு அரசு விடுமுறை அறிவித்திருந்தது. புயல் வெள்ளம் பாதித்த சில பகுதிகளில் நிவாரணப் பணிகள் தொடர்ந்து மேற்கொள்ளப்பட்டு வருவதால் மாணவர்கள் நலன் கருதி சென்னை மாவட்டத்தில் நாளை (8.12.2023) அனைத்து பள்ளிகள் மற்றும் கல்லூரிகளுக்கு விடுமுறை அறிவிக்கப்படுகிறது என குறிப்பிட்டுள்ளது.