இன்று 6,426 பேர்: தமிழகத்தில் மொத்த கொரோனா பாதிப்பு 2,34,114 ஆக உயர்வு…

சென்னை:
தமிழகத்தில் இன்று மேலும் 6,426 பேருக்கு கொரோனா தொற்று உறுதியாகி உள்ளது. இதனால்  பாதிக்கப்பட்டவர்களின் மொத்த எண்ணிக்கை 2,34,114  ஆக உயர்ந்துள்ளது.

அதிகபட்சமாக சென்னையில் 1117 பேர் பாதிக்கப்பட்டுள்ளனர். சென்னையை தவிர்த்து பிற மாவட்டங்களில் 5,309 பேருக்கு கொரோனா பாதிப்பு உறுதியாகி உள்ளது.
இன்று ஒரே நாளில் தமிழகத்தில்  5927 பேர் நோய் தொற்றில் இருந்து குணமடைந்து உள்ளனர். குணமடைந்தவர்களின் மொத்த எண்ணிக்கை 1,72,883 ஆக அதிகரித்துள்ளது.” எனக் குறிப்பிடப்பட்டுள்ளது.
இன்று ஒரே நாளில் 82 பேர் மரணமடைந்து உள்ளனர். இதுவரை உயிரிழந்தோர் எண்ணிக்கை 3741 ஆக அதிகரித்துள்ளது. 28 பேர் தனியார் மருத்துவமனையிலும், 54 பேர் அரசு மருத்துவமனையிலும் உயிரிழந்துள்ளனர்.
தமிழகத்தில் கொரோனாவுக்கான பரிசோதனை இன்று மட்டும் 58,818 பேருக்கு செய்யப்பட்டுள்ளதால் மொத்தம் 24,42,482 பேருக்கு சோதனை செய்யப்பட்டுள்ளது.
தமிழகத்தில் தற்போது 57,490 பேர் சிகிச்சை பெற்று வருகின்றனர் என்பது குறிப்பிடத்தக்கது.
இன்று பாதிக்கப்பட்ட 6,426 பேரில்,  3,892 பேர் ஆண்கள், 2,530 பேர் பெண்கள்.