தமிழகத்தில் சட்டமன்ற தேர்தலுக்கான வாக்குப்பதிவு ஏப்ரல் 6ந்தேதி நடைபெற உள்ளது.. தேர்தலுக்கான வேட்புமனு தாக்கல் மார்ச் 12ஆம் தேதி முதல் மார்ச் 19ஆம் தேதி (இன்று) யுடன் முடிவடைகிறது. திமுக கூட்டணியில் இடம்பெற்றுள்ள காங்கிரஸ் கட்சிக்கு இந்த தேர்தலில் 25 தொகுதிகள்மட்டுமே ஒதுக்கப்பட்டுள்ளன. அந்த தொகுதிகளுக்கு வேட்பாளர்கள் அறிவிக்கப்பட்டு, தேர்தல் பிரசாரம் நடைபெற்று வருகிறது.
இந்த நிலையில், காங்கிரஸ் மற்றும் கூட்டணி கட்சிகளின் வேட்பாளர்களை ஆதரித்து தமிழ்நாடு காங்கிரஸ் கமிட்டித் தலைவர் கே.எஸ்.அழகிரி, 15 நாட்கள் தேர்தல் பிரசாரம் மேற்கொள்கிறார்.
நாளை (20ந்தேதி) காலை திருவான்மியூர் மருந்தீஸ்வரர் கோவிலில் சிறப்பு வழிபாடு செய்துவிட்டு, வேளச்சேரி தொகுதியில் பிரசாரம் மேற்கொள்கிறார். தொடர்ந்து, ஏப்ரல் 3ந்தேதி வரை தமிழகம் முழுவதும் சுற்றுப்பயணம் மேற்கொண்டு ஆதரவு திரட்டுகிறார்.
