சென்னை: 
மிழக முதலமைச்சர் ஸ்டாலின், மருத்துவமனையில் சிகிச்சை பெற்று வரும் ரஜினிகாந்த்தை நேரில் சென்று உடல் நலம் விசாரித்தார்.
முன்னதாக கடந்த 28ஆம் தேதி ரஜினிகாந்த் சென்னையில் உள்ள காவேரி மருத்துவமனையில் சிகிச்சைக்காக அனுமதிக்கப்பட்டார். இதனையடுத்து, வழக்கமான உடல் பரிசோதனைக்குத்தான் ரஜினி மருத்துவமனையில் அனுமதிக்கப்பட்டார் என்று அவருடைய மனைவி லதா ரஜினிகாந்த் விளக்கம் கொடுத்தார். தலைச்சுற்றல் காரணமாக ரஜினிகாந்த் மருத்துவமனையில் அனுமதிக்கப்பட்டார் என்றும் சொல்லப்படுகிறது.
இது தொடர்பாக மருத்துவமனை சார்பில் வெளியாகியுள்ள அறிக்கையில், “ரஜினி சிறு தலைச்சுற்றல் காரணமாக மருத்துவமனையில் அனுமதிக்கப்பட்டார். இங்கு மருத்துவ நிபுணர்களின் சிகிச்சைக்குப் பிறகு ரஜினிகாந்த் உடல்நலம் தேறி வருகிறார். சிகிச்சைக்குப் பிறகு நடிகர் ரஜினிகாந்த் சில நாட்களில் வீடு திரும்புவார்” எனத் தெரிவிக்கப்பட்டது.
இதை மேலும் உறுதிசெய்யும் வகையில், ரஜினிகாந்த் ஆரோக்கியமான உடல்நலத்துடன் உள்ளதாக அவருக்கு சிகிச்சையளித்த மருத்துவர்கள் கூறியுள்ளனர் எனத் தமிழக மருத்துவத்துறை அமைச்சர் மா சுப்ரமணியன்னும் தெரிவித்திருந்தார். இதற்கிடையில் தற்போது முதல்வர் ஸ்டாலின் அவரை நேரில் சந்தித்துப் பேசியுள்ளார்.