டெல்லி: உடல் பருமன் குறித்து லான்செட் ஜர்னல் மருத்துவ ஆய்வு வெளியிட்டுள்ள அறிக்கையை சுட்டிக்காட்டி, பிரதமர் மோடி, இந்திய மக்களுக்கு எச்சரிக்கை விடுத்துள்ளார். சமையல் எண்ணெய் பயன்பாட்டைக் குறைக்குமாறு பொதுமக்களை மக்களைக் கேட்டுக் கொண்டார்.
பொது சுகாதாரத்திற்கு உடல் பருமன் ஒரு கடுமையான அச்சுறுத்தலாக உள்ளது என்று கூறிய பிரதமர் நரேந்திர மோடி, இந்தப் பிரச்சினையைத் தீர்க்க அனைவரும் முன்னெச்சரிக்கை நடவடிக்கைகளை எடுக்க வேண்டும் என்று அழைப்பு விடுத்தார். நாடு முழுவதும் மேலும் 25ஆயிரம் மக்கள் மருந்தகங்களை திறக்க இருப்பதாகவும் கூறினார்.
2050ம் ஆண்டுக்குள் 44 கோடி இந்தியர்கள் உடல் பருமனால் பாதிக்கப்படலாம் என பிரபல மருத்துவ ஆய்வு இதழான லான்செட் ஜர்னல் ஆய்வறிக்கை வெளியிட்டு உள்ளது. இது விவாதப்பொருளாக மாறி உள்ளது.
இதுகுறித்து தாத்ரா மற்றும் நாகர் ஹவேலியில் உள்ள சில்வாசா நகரில் நடைபெற்ற கூட்டத்தில் பேசிய பிரதமர் மோடி, நாட்டில் அதிகரித்து வரும் உடல்பருமன் குறித்து கவலை தெரிவித்தார். ’ உடல் பருமன் பல நோய்களுக்கு மூலகாரணமாக உள்ளது என்று கூறியவர், . சமீபத்திய லான்செட் ஜர்னல் வெளியிட்டுள்ள ஒரு அறிக்கையை மேற்கோள் காட்டிய பிரதமர் மோடி, 2050ஆம் ஆண்டுக்குள் 44 கோடி இந்தியர்கள் உடல் பருமனாக இருப்பார்கள் என்ற அபாயகரமான கணிப்பை தெரிவித்துள்ளார்.
இந்த ஆய்வறிக்கை உண்மையாக மாறினால், 2050ம் ஆண்டுக்குள் நாட்டில் ஒவ்வொரு மூன்று பேரில் ஒருவர் உடல் பருமனால் பாதிக்கப்படலாம். உடல் பருமன் மக்களின் ஆரோக்கியத்திற்கு ஆபத்தானது. இந்த சூழ்நிலையை சமாளிக்க அனைவரும் முயற்சிக்க வேண்டும்.
பொது சுகாதாரத்திற்கு உடல் பருமன் ஒரு கடுமையான அச்சுறுத்தலாக உள்ளது என்று கூறிய பிரதமர் நரேந்திர மோடி, இந்தப் பிரச்சினையைத் தீர்க்க அனைவரும் முன்னெச்சரிக்கை நடவடிக்கைகளை எடுக்க வேண்டும் என்று அழைப்பு விடுத்தார். மக்கள் தங்கள் சமையல் எண்ணெய் பயன்பாட்டை 10 சதவிகிதம் குறைக்க வேண்டும் என்று நான் ஏற்கனவே வேண்டுகோள் விடுத்துள்ளேன். 10 சதவிகிதம் குறைவாக எண்ணெய் வாங்குவீர்கள் என்று நீங்கள் அனைவரும் உறுதிமொழி எடுக்க வேண்டும். வழக்கமான உடற்பயிற்சிகள் மற்றும் சைக்கிள் ஓட்டுதல் ஆகியவை உடல் பருமனைக் குறைக்க உதவும்’ என்றார்.
பிரதமர் மோடி, ஏற்கனவே மன் கி பாத் நிகழ்ச்சியிலும் பிரதமர் மோடி உடல் பருமன் அபாயம் குறித்து பேசியுள்ள நிலையில் தற்போது இரண்டாவது முறையாகவும் அவர் உடல் பருமன் குறித்த விழிப்புணர்வை ஏற்படுத்தியுள்ளார். அவர் உணவுப் பழக்க வழக்கங்களில் சிறிய மாற்றங்கள் செய்வதன் மூலம், நமது எதிர்காலத்தை ஆரோக்கியமானதாகவும் நோயற்றதாகவும் மாற்ற முடியும் என்று வலியுறுத்தியுள்ளார்.
மலிவு விலையில் மருந்துகளை வழங்குவதை நோக்கமாகக் கொண்டு, நாடு முழுவதும் 25,000 புதிய ஜன் ஆஷாதி மையங்களைத் திறக்க அரசாங்கம் திட்டமிட்டுள்ளதாக பிரதமர் அறிவித்தார். அரசாங்கத்தால் நடத்தப்படும், மானிய விலையில் கிடைக்கும் இந்த விற்பனை நிலையங்களிலிருந்து மருந்துகளை வாங்குவதன் மூலம் நடுத்தர வர்க்கத்தினர் மற்றும் குறைந்த வருமானம் கொண்ட குடிமக்கள் இதுவரை கிட்டத்தட்ட ₹30,000 கோடியை மிச்சப்படுத்தியுள்ளனர் என்று அவர் கூறினார்.
சிங்கப்பூரைப் போன்ற ஒரு வளர்ந்த பிராந்தியமாக யூனியன் பிரதேசத்தை மாற்றுவதில் உள்ளூர்வாசிகள் ஒன்றிணைந்து பணியாற்றுமாறு பிரதமர் வேண்டுகோள் விடுத்தார். ஒரு காலத்தில் “சிங்கப்பூர் ஒரு சிறிய மீன்பிடி கிராமமாக இருந்தது. ஆனால் அதன் மக்களின் உறுதியின் மூலம், சிங்கப்பூர் இன்று இருப்பது போல் ஆனது.
இந்த யூனியன் பிரதேச மக்கள் அதே அர்ப்பணிப்பைக் காட்டினால், உங்கள் முயற்சிகளில் நான் உங்களுடன் நிற்பேன் என்றார்.
பிரதமர் தனது பயணத்தின் போது, சில்வாசாவில் 450 படுக்கைகள் கொண்ட மருத்துவமனை, டையூவில் இரண்டு சுற்று வீடுகள், டாமனில் ஒரு பொம்மை ரயில், யூனியன் பிரதேசம் முழுவதும் அங்கன்வாடிகள் (குழந்தை பராமரிப்பு மையங்கள்) மற்றும் பள்ளிகள் உள்ளிட்ட பல முக்கிய திட்டங்களைத் தொடங்கி வைத்தார்.
சில்வாசாவில் தனது பணிகளை முடித்த பிறகு, பிரதமர் சூரத்துக்குச் சென்றார், அங்கு அவர் உணவுப் பாதுகாப்பு நிறைவு பிரச்சாரத்தைத் தொடங்கி வைத்து, இந்த முயற்சி குறித்து ஒரு கூட்டத்தில் உரையாற்றினார்.
தனது உரையில், மோடி காங்கிரஸைக் கடுமையாக விமர்சித்தார், குறு நிறுவனங்களை ஆதரிப்பதை நோக்கமாகக் கொண்ட பிரதான் மந்திரி முத்ரா யோஜனாவின் கீழ் மத்திய அரசு வழங்கிய ₹32 லட்சம் கோடி மதிப்புள்ள கடன்களில் பூஜ்ஜியங்களைக் கணக்கிடுவதில் பூஜ்ஜியங்கள் இல்லாதவர்கள் சிரமப்படலாம் என்று குறிப்பிட்டார்.
இந்தியா மட்டுமின்றி 2050ஆம் ஆண்டுக்குள் சீனா, அமெரிக்கா ஆகிய நாடுகளில் அதிக அளவில் உடல் பருமனும் அதிகபட்ச உடல் எடையுமுள்ள மக்கள் இருப்பார்கள், இது உலகளாவிய ஆரோக்கியப் பிரச்சினைகளும் பொருளாதார பாதிப்புகளையும் ஏற்படுத்தும் என கூறப்படுகிறது.