சென்னை
தமிழக அரசு 10, 11 மற்றும் 12 ஆம் வகுப்பு பொதுத் தேர்வு முடிவுகள் வெளியாகும் தேதிகளை அறிவித்துள்ளது.
கடந்த மார்ச் மாதம் 1-ந்தேதி முதல் 22-ந்தேதி வரையிலும் 12 ஆம் வகுப்பு மாணவ-மாணவிகளுக்கு பொதுத்தேர்வு நடந்தது இதைப் போஒல் 11 ஆம் வகுப்புக்கு மார்ச் 4-ந்தேதி முதல் 25-ந்தேதி வரையிலும், 10 ஆம். வகுப்பு மாணவர்களுக்கு மார்ச் 26-ந்தேதி முதல் ஏப்ரல்) 8-ந்தேதி வரையிலும் பொதுத்தேர்வு நடந்து முடிந்தது.
12 ஆம் வகுப்புத் தேர்வை சுமார் 7 லட்சத்து 50 ஆயிரம் மாணவ-மாணவிகளும், 11 ஆம் வகுப்புத் தேர்வை சுமார் 8 லட்சம் பேரும், 10 ஆம் வகுப்பு பொதுத் தேர்வை சுமார் 9 லட்சம் மாணவர்களும் எழுதி இருந்தனர். விடைத்தாள் திருத்தும் பணி நடந்து வந்தது. இதில் 12 ஆம்வகுப்பு விடைத் தாள்கள் திருத்தும் பணி கடந்த மாதம் 13-ந்தேதியும், 10 ஆம் வகுப்பு விடைத்தாள்கள் திருத்தும் பணி 22-ந்தேதியும் நிறைவடைந்தன.
11 ஆம் வகுப்புக்கான விடைத்தாள் திருத்தும் பணி அரியர் மாணவர்களுக்கு கடந்த மாதம் 13-ந்தேதியுடனும், மற்ற மாணவர்களுக்கு 25-ந்தேதியுடனும் முடிவடைந்து மாணவ-மாணவிகள் பெற்ற மதிப்பெண்களை இணையதளத்தில் பதிவேற்றும் பணிகள் நடந்து வருகின்றன. தற்போது இந்த பணிகள் ஓரளவுக்கு முடிவடையும் தருவாயில் இருப்பதாக கூறப்படுகிறது.
எனவே பொதுத் தேர்வு முடிவுகள் ஏற்கனவே திட்டமிடப்பட்டு இருந்த அட்டவணைப்படியே வெளியாக இருப்பதாக அரசு தேர்வுத் துறை உயர் அதிகாரி தெரிவித்தார்.
அதாவது 12 ஆம் வகுப்புக்கு வருகிற 6-ந்தேதியும் (திங்கட்கிழமை), 10 ச்ச்,. வகுப்புக்கு 10-ந்தேதியும் (வெள்ளிக்கிழமை), 11 ஆம் வகுப்புக்கு 14-ந்தேதியும் (செவ்வாய்க்கிழமை) தேர்வு முடிவுகள் வெளியாக உள்ளது. இம்முறையும் வழக்கம்போல் தேர்வு முடிவுகளை வீட்டில் இருந்தபடியே மாணவ-மாணவிகள் செல்போன் மற்றும் இணைய தளங்களில் பார்த்து தெரிந்து கொள்ள முடியும்.