இன்று நெல்லை, தூத்துக்குடி மாவட்டங்களில் பொது விடுமுறை

நெல்லை

அதி கனமழை காரணமாக இன்று நெல்லை, தூத்துக்குடி மாவட்டங்களில் பொது விடுமுறை அறிவிக்கப்பட்டுள்ளது. 

கடந்த 3 நாட்களாகத் தென் மாவட்டங்களில் இடைவிடாது பெய்த கனமழையால் 4 மாவட்டங்களில் பெரும்பாலான இடங்கள் வெள்ளத்தில் மிதக்கின்றன.  குறிப்பாக தூத்துக்குடி, நெல்லை, தென்காசி, கன்னியாகுமரி ஆகிய மாவட்டங்களில் பெய்த கன மழையால் எல்லா இடங்களிலும் தண்ணீராகக் காணப்படுகிறது.

நெல்லையில் தாமிரபரணி ஆற்றில் வெள்ளம் பெருக்கெடுத்து ஓடுவதால் அதன் கரையோர பகுதிகள் முழுவதும் வெள்ளத்தில் மூழ்கியுள்ளன. இங்குப் பல இடங்களிலும் சாலைகளிலும் வெள்ளம் சூழ்ந்துள்ளதால் தனித்தீவு போலக் கிராமங்கள் காட்சி அளிக்கின்றன,

எனவே நெல்லை, தூத்துக்குடி மாவட்டங்களில் இன்று பொது விடுமுறை அளிக்கப்பட்டுள்ளது.  அதன்படி அங்குப் பள்ளிகள், கல்லூரிகள், அரசு அலுவலகங்கள், வங்கிகள், தனியார் நிறுவனங்கள் இயங்காது என்று அறிவிக்கப்பட்டுள்ளது.

Heavy rain, Tirunelveli, Tuticorin, Public holiday,