சென்னை:
ஆசிரியர் தேர்வு வாரியம் நடத்தும், முதுகலை பட்டதாரி ஆசியர்கள் தேர்வுக்கு ஆன்லைனில் விண்ணப்பிக்க இன்றே கடைசி நாள். இன்று மாலை 5 மணியுடன் விண்ணப்பம் செய்யும் பணி நிறைவு பெறும் என ஆசிரியர் தேர்வு வாரியம் அறிவித்துள்ளது.
2,144 முதுகலை பட்டதாரி ஆசிரியர் பணியிடங்களுக்கு வருகிற 24-ந்தேதி முதல் ஆன்லைனில் விண்ணப்பிக்கலாம் என்று ஆசிரியர் தேர்வு வாரியம் கடந்த (ஜூன்) மாதம் 12ந்தேதி அறிவிப்பு வெளியிட்டது.
அதன்படி, ஜூன் 24-ந்தேதி முதல் ஆன்லைனில் விண்ணப்பிக்கலாம் என்றும், பூர்த்தி செய்து விண்ணப்பங்களை சமர்ப்பிக்க கடைசி நாள் அடுத்த மாதம் (ஜூலை) 15-ந்தேதி என்றும் அறிவிக்கப்பட்டது. இதுவரை விண்ணப்பிக்காதவர்கள் இன்று மாலை 5 மணி வரை விண்ணப்பிக்கலாம்.
இந்த தேர்வானது, முக்கிய பாடப்பிரிவுகளில் 110 மதிப்பெண்ணுக்கும், கல்வி முறை பிரிவில் 30 மதிப்பெண்ணுக்கும், பொது அறிவு பிரிவில் 10 மதிப்பெண்ணுக்கும் என மொத்தம் 150 மதிப்பெண் களுக்கு தேர்வு நடைபெறும் என அறிவிக்கப்பட்டது.