நொய்டா: ஸ்மார்ட்போன்களில் ஆரோக்ய சேது செயலி இல்லை என்றால் 6 மாதம் சிறை அல்லது 1000 ரூபாய் அபராதம் விதிக்கப்படும் என்று உத்தரவு பிறப்பிக்கப்பட்டுள்ளது.
அதாவது ஆரோக்யா சேது செயலி செல்போனில் இல்லை என்றால் தண்டனைக்குரியது என்கிறது நொய்டா போலீஸ். நொய்டா மற்றும் கிரேட்டர் நொய்டாவில் வசிப்பவர்களுக்கு ஸ்மார்ட்போன்களில் தொடர்பு கண்டுபிடிக்கும் பயன்பாடு இல்லையென்றால் அபராதம் அல்லது சிறையில் அடைக்கப்படுவார்கள். நகரத்திற்குள் நுழைபவர்களுக்கும் இந்த உத்தரவு பொருந்தும்.
இந்த செயலி இல்லாத ஸ்மார்ட்போன்கள் உள்ள அனைவரையும் ஐபிசி பிரிவு 188 ன் கீழ் பதிவு செய்யலாம். அதன்பிறகு, அந்த நபர் மீது வழக்குத் தொடரப்படுமா, அபராதம் விதிக்கப்படுமா அல்லது எச்சரிக்கையுடன் விடப்படுகிறதா என்பதை நீதிபதி தீர்மானிப்பார் என்று சட்டம், ஒழுங்கு துணை ஆணையர் அகிலேஷ் குமார் கூறி உள்ளார்.
மக்கள் அதை உடனடியாக பதிவிறக்கம் செய்தால், நாங்கள் அவர்களை விடுவிப்போம். எங்கள் உத்தரவை அவர்கள் விரைவாக செயல்படுத்துவதற்கு இது உதவுகிறது. ஆனால் பலமுறை எச்சரிக்கைகளுக்குப் பிறகு அவர்கள் அதை பதிவிறக்கம் செய்யாவிட்டால், நாங்கள் நடவடிக்கை எடுக்க வேண்டியிருக்கும் என்றும் அவர் தெரிவித்தார்.
ஒருவரிடம் மொபைல் தரவு இல்லையென்றால், நாங்கள் அவர்களுக்கு ஹாட்ஸ்பாட் கொடுப்போம், இதனால் அவர்கள் அதை அங்கேயே பதிவிறக்கம் செய்யலாம். தொலைபேசியில் போதிய இடம் இல்லை என்பன பிற சிக்கல்கள் இருந்தால், அந்த நபரின் தொலைபேசி எண்ணுக்கு தொடர்பு கொண்டு பின்னர் அவர்கள் அதை பதிவிறக்கம் செய்தார்களா என்று சரி பார்ப்போம் என்று அவர் கூறினார்.
