டெங்கு காய்ச்சலை ஏற்படுத்தும் கொசுக்களை அழிக்கும் புதிய வகை கொசுக்களை உருவாக்கியுள்ளதாக இலங்கை விஞ்ஞானிகள் அறிவித்துள்ளனர்.
கொழும்பில் செய்தியாளர்களை சந்தித்த இலங்கை மருத்துவ நிபுணர் சாகரிகா சமரசிங்க தெரிவித்ததாவது: “டெங்கு நோயை பரப்பும் கொசுக்களை அழிக்கும் புதிய வகை கொசுக்களை உருவாக்கி உள்ளோம்.
இந்த புதிய இரு வகை கொசுக்களை, பொதுவாக கொசுக்கள் பரவுகின்ற இடங்களில் பரப்பி விடுவதன் முலம் டெங்கு காய்ச்சல் பரப்புகின்ற கொசுக்களை ஆரம்பக் கட்டத்திலேயே அழித்துவிடலாம்.
இந்த புதிய இரு கொசு வகைகளை, டெங்கு நோயை பரப்பும் கொசுக்கள் அதிகம் உள்ள மீரிகம, கண்டலம, குண்டசாலை, பேராதெனிய ஆகிய பகுதிகளில் பரவ விட்டோம். அவை டெங்கு நோயை பரப்பும் கொசுக்களை வெற்றிகரமாக அழித்துளளன” என்று தெரிவித்தார்.