கொல்லம்
மலையாள திரையுலக பிரபல நடிகர் முகேஷை அவரது இரண்டாம் மனைவி விவகாரத்து செய்ய உள்ளார்.
மலையாள திரையுலகின் முன்னணி நடிகர்களில் முகேஷும் ஒருவர் ஆவார். இவர் ஜாதிமல்லி, மனைவி ஒரு மாணிக்க, பல்லவன் உள்ளிட்ட சில தமிழ்ப்படங்களிலும் நடித்து தமிழர்களுக்கும் நன்கு அறிமுகமான நடிகர் ஆவார். இவர் சி பி எம் கட்சியைச் சேர்ந்தவர் ஆவார்.
முகேஷ் தற்போது கொல்லம் தொகுதி சட்டமன்ற உறுப்பினராக உள்ளார். இவர் ஏற்கனவே பிரபல தமிழ் நடிகை சரிதாவை 1987 ஆம் ஆண்டு மணம் செய்து கொண்டார். இருவருக்கும் இடையில் கருத்து வேறுபாடு ஏற்பட்டது. இதையொட்டி 2011 ஆம் ஆண்டு இருவரும் விவாகரத்து செய்து கொண்டனர்.
அதன் பிறகு பிரபல நடனக் கலைஞரான மேதில் தேவிகாவை முகேஷ் திருமணம் செய்து கொண்டார் தற்போது இருவருக்கும் இடையில் கருத்து வேற்றுமை ஏற்பட்டுள்ளதாகத் தகவல்கள் வெளியாகின. இந்நிலையில் மேதில் தேவிகா கொல்லம் நீதிமன்றத்தில் விவகாரத்து மனுத் தாக்கல் செய்துள்ளார்.