பெங்களூரு:
கர்நாடகா மாநில பாஜக அமைச்சர் பி.சி.பாட்டீலுக்கு கொரோனா தொற்று உறுதி செய்யப்பட்டு உள்ளது. இதை அவர் டிவிட்டர் மூலம் உறுதிப்படுத்தி உள்ளார்.
கர்நாடக மாநிலத்திலும் தொற்று பரவல் அதிகரித்து வருகிறது. இருந்தாலும், அங்கு மக்கள் சிரமப்பட்மல் இருக்க ஊரடங்கில் 75 சதவிகிதம் தளர்வுகள் அறிவிக்கப்பட்டு உள்ளது. தற்போதைய நிலையில்,, 72,005 பேர் சிகிச்சை பெற்று வருகின்றனர். இதுவரை 49,788 பேர் குணமடைந்து வீடு திரும்பியுள்ளனர். 2,134 பேர் உயிரிழந்துள்ளனர். இதுவரை கொரோனா பாதிக்கப்பட்டோர் எண்ணிக்கை 1,24,115 ஆக உள்ளது.
கடந்த 24 மணி நேரத்தில் மட்டும் கர்நாடகாவில் 5,483 பேர் கொரோனா வைரஸால் பாதிக்கப்பட்டுள்ளனர். 84 பேர் உயிரிழந்துள்ளனர் என அம்மாநில சுகாதாரத்துறை தெரிவித்துள்ளது.
இந்த நிலையில் கர்நாடக மாநில அமைச்சர் பி.சி.பாட்டீல் பதிவிட்டுள்ள டிவிட்டர் பதிவில், தனக்கு நடத்தப்பட்ட கோரோனா சோதனை முடிவுகளில், பாதிப்பு உறுதி செய்யப்பட்டுள்ளதாக தெரிவிக்கப்பட்டுள்ளது. அதனால், பெங்களூரில் உள்ள எனது வீட்டில், வீட்டு தனிமைப்படுத்தலில் இருக்கிறேன் என கூறியுள்ளார்.
மேலும், என்னுடன் ஆய்விற்கு கோப்பல் மாவட்டத்திற்கு வந்த ஐந்து அலுவலகர்களுக்கும் கொரோனா பாதிப்பு உறுதி செய்யப்பட்டுள்ளது என்பதையும் தெரிவித்துள்ளார்.