சென்னை: ஜனவரி 25ந்தேதி மொழிப்போர் தியாகிகள் தினத்தையொட்டி, மொழிப்போய் தியாகிகளின் உருவப்படங்களுக்கு முதல்வர் ஸ்டாலின் மலர்தூவி மரியாதை செலுத்தினார்.
ஒவ்வொரு ஆண்டும் ஜனவரி 25 ஆம் தேதி மொழிப்போர் தியாகிகள் தினம் கடைப்பிடிக்கப்படுகிறது. மத்திய அரசின் இந்தித் திணிப்புக்கு எதிரான போராட்டத்தில், தமிழ்மொழி காக்க இன்னுயிர் ஈந்து, வீரமரணம் அடைந்த மொழிப்போர் தியாகிகளை நினைவுகூறும் வகையில் இன்றைய நாள் அனுசரிக்கப்படுகிறது.
மொழிப்போர் தியாகிகள் தினமான இன்று,சென்னை கிண்டி காந்தி மண்டபத்தில் உள்ள மொழிப்போர் தியாகிகளின் படங்களுக்கு முதல்வர் ஸ்டாலின் அவர்கள் மலர் தூவி மரியாதை செலுத்தியுள்ளார். இதனைத் தொடர்ந்து, சென்னை அண்ணா அறிவாலயத்தில் வைக்கப்பட்டுள்ள மொழிப்போர் தியாகிகள் திருவுருவப்படத்திற்கு முதலமைச்சர் மு க ஸ்டாலின் மலர் தூவி மரியாதை செலுத்தினார். இந்த நிகழ்ச்சியில் முதல்வருடன் அமைச்சர்கள் தங்கம் தென்னரசு, துரைமுருகன், கேஎன் நேரு, மா.சுப்பிரமணியன், ரகுபதி, உள்ளிட்டோர் கலந்து கொண்டனர்.
