பெங்களூரு: ஜனவரி 14 ஆம் தேதி இண்டிகோ பயணி சுப்ரியா உன்னி நாயர், பெங்களூருவில் தனது 75 வயதான தாய்க்கு சக்கர நாற்காலி கேட்டதை அடுத்து, இண்டிகோ விமானி ஒருவர் மிரட்டியதாகக் கூறியதையடுத்து, மத்திய விமான போக்குவரத்து அமைச்சர் ஹர்தீப் சிங் பூரி தனது ட்விட்டரில் அவரது புகாருக்கு பதிலளித்ததோடு, இந்த சம்பவத்திற்குப் பிறகு விமானி ரோஸ்டரிலிருந்து நீக்கப்பட்டதாகவும் தெரிவித்தார்.
நாயர், வயதான தனது தாயார் நீரிழிவு நோயாளியாக இருப்பதாகவும், அவருக்காக சக்கர நாற்காலி வேண்டியதாகவும் அதற்கு விமானி தவறாக நடந்து கொண்டார் என்றும் சிறைக்கு அனுப்பி விடுவதாக மிரட்டினார் என்றும் குற்றம் சாட்டினார்.
“அவருடனும் சக்கர நாற்காலி உதவி தேவைப்படும் அவரது 75 வயது தாயுடனும் விமானியின் நடத்தை குறித்து திருமதி சுப்ரியா உன்னி நாயர் செய்த ட்வீட்டைப் பார்த்தவுடன் இண்டிகோவை தொடர்பு கொள்ளுமாறு எனது அலுவலகத்தை கேட்டுக்கொண்டேன்.
“விமானி சிவில் விமானப் போக்குவரத்து அமைச்சகத்திற்கு தகவல் அளித்துள்ளார், விமானி முழு விசாரணை நிலுவையில் உள்ளது” என்று பூரி ஒரு ட்வீட்டில் தெரிவித்துள்ளார்.
பெங்களூரு விமான நிலையத்தில் தனது தாயை அழைத்துச் செல்ல சக்கர நாற்காலி கொண்டு வரப்பட்டபோது, 75 வயதான சுப்ரியாவின் தாயாரை விமானத்திலிருந்து அழைத்துச் செல்வதை விமானி தடுத்ததாக நாயர் கூறினார். அவர்களை தடுத்து வைத்து சிறையில் ஒரு இரவு தங்க வைப்பதாகவும் விமானி அச்சுறுத்தியதாக அவர் குற்றம் சாட்டினார்.
இண்டிகோவின் ஒரு அறிக்கை, “நேற்று இரவு சென்னையிலிருந்து பெங்களூருக்கு பறக்கும் 6 E 806 விமானத்தில் ஒரு பயணி எழுப்பிய புகாரை நாங்கள் அறிவோம். இந்த விவகாரம் உள் ஆய்வுக்கு உட்பட்டுள்ளது மற்றும் தேவையான நடவடிக்கை எடுக்கப்படும்’’, என்று தெரிவிக்கிறது.
“எங்கள் வாடிக்கையாளர் உறவுகள் குழு வாடிக்கையாளருடன் அவரது கவலை நன்கு புரிந்து கொள்ளப்படுவதை உறுதிசெய்யவும், எதிர்காலத்தில் இதுபோன்ற அனுபவங்களைத் தவிர்க்கவும் உதவுகிறது” என்று அறிக்கை கூறியது.