லடாக் எல்லையில் இந்திய -சீன வீரர்கள் இடையே மோதல்! ராணுவ கர்னல் உள்பட 3 இந்தியவீரர்கள் வீரமரணம்

ஸ்ரீநகர்:

லடாக் எல்லையில் இந்திய -சீன வீரர்கள் இடையே மோதல்! ராணுவ கர்னல் உள்பட 3 இந்தியவீரர்கள் வீரமரணம் அடைந்துள்ளனர். சீன ராணுவத்தினர் அத்துமீறி வன்முறையில் ஈடுபட்டதாக கூறப்படுகிறது.

காஷ்மீர் மாநிலம் லடாக் எல்லையில் இந்திய சீன ராணுவத்தினருக்கு இடையே ஏற்பட்ட மோதலில், 3 இந்திய ராணுவ வீரர்கள் வீர மரணம் அடைந்துள்ளனர்.  நேருக்கு நேர் ஏற்பட்ட மோதலில் ஒரு ராணுவ அதிகாரி உள்பட  2 வீரர்கள் கொல்லப்பட்டதாக ராணுவம் தெரிவித்து உள்ளது. இதன் காரணமாக அந்த பகுதியில் மீண்டும் பதற்றம் அதிகரித்துள்ளது.

காஷ்மீர் மாநிலம் கிழக்கு லடாக் எல்லைப் பகுதியில் சீன துருப்புகள் அத்துமீறி நுழைந்ததால், இரு நாடுகளுக்கும் இடையே பதற்றம் நிலவி வந்தது.  கடந்த மாதம் 5-ந் தேதி இந்திய படைகளும், சீன படைகளும் மோதிக்கொண்டன.

இதைத்தொடர்ந்து கடந்த 6-ந் தேதி, இந்தியா-சீனா ராணுவ உயர் அதிகாரிகள் இடையே பேச்சுவார்த்தை நடைபெற்றது. அதில்,  உடன்பாடு எட்டப்பட்டது. அதைத்தொடர்ந்து, இரு நாட்டு படைகளும் பின்வாங்கிச் சென்றன. தொடர்ந்து படைப்பிரிவு அதிகாரிகள் மட்டத்திலான பேச்சுவார்த்தை நடைபெற்று வருகிறது.

இந்த நிலையில், லடாக் எல்லைப்பகுதியில் உள்ள கல்வான் பள்ளத்தாக்கு பகுதியில் நேற்று இரவு இந்தியா-சீன படைகள் இடையே மீண்டும் மோதல் வெடித்துள்ளது. இதில், இந்திய ராணுவம் தரப்பில் ஒரு அதிகாரி 2 வீரர்கள் என 3 பேர் உயிரிழந்துள்ளனர். இரு தரப்பினருக்கும் இடையே நேருக்கு நேர் ஏற்பட்ட மோதலின்போது,  இந்திய  ராணுவ அதிகாரி மற்றும் 2 வீரர்கள் கொல்லப்பட்டுள்ளனர். இது மேலும் பதற்றத்தை ஏற்படுத்தி உள்ளது.