டெல்லி: இந்தியாவில் கொரோனா பாதிப்பு நேற்று புதிதாக மேலும் 48,698 பேருக்கு உறுதி செய்யப்பட்டுஉள்ளது. 1,183 பேர் கொரோனாவுக்கு பலியாகி உள்ளனர் 64,818 பேர் குணமடைந்துள்ளனர்.
மத்திய சுகாதாரத்துறை வெளியிட்டுள்ள தகவலின்படி, இந்தியாவில் கடந்த 24 மணி நேரத்தில் 48,698 பேருக்கு கொரோனா தொற்று உறுதி செய்யப்பட்டுள்ளது. மொத்த பாதிப்பு 3,01,83,143 ஆக உயர்ந்துள்ளது.
நேற்று நாளில் தொற்று பாதிப்பு காரணமாக சிகிச்சை பலனின்றி 1,183 பேர் பலியாகி உள்ளனர். இதன்மூலம் கொரோனா வைரசால் இதுவரை உயிரிழந்தவர்களின் மொத்த எண்ணிக்கை 3,94,493 ஆக உயர்ந்துள்ளது. நேற்று ஒரே நாளில் 64,818 பேர் குணமடைந்த நிலையில், இதுவரை கொரோனா பாதிப்பில் இருந்து குணமடைந்தவர்களின் எண்ணிக்கை 2,91,93,085 ஆக உயர்ந்துள்ளது.
நாடு முழுவதிலும் உள்ள பல்வேறு மருத்துவமனைகளில் 5,95,565 பேர் சிகிச்சை பெற்று வருகின்றனர்.
ஐசிஎம்ஆர் தகவலின்படி, ஜூன் 25 வரை மொத்தம் 40,18,11,892 மாதிரிகள் பரிசோதிக்கப்பட்டன. அவற்றில் 17,45,809 மாதிரிகள் நேற்று பரிசோதிக்கப்பட்டுள்ளன.
